പിങ്ക് ലെഹങ്കയിൽ നവവധുവിനെ പോലെ തിളങ്ങി കീർത്തി സുരേഷ്

സ്റ്റൈല്ലിൻ്റെ കാര്യത്തിൽ എപ്പോഴും ഒരു പടി മുന്നിലാണ് നടി കീർത്തി സുരേഷ്. സ്വാഭാവിക സൗന്ദര്യം കൊണ്ട് കേരളത്തിലും തമിഴ്നാട്ടിലുമൊക്കെ ഏറെ ആരാധകരുള്ള നടിയുടെ ഫാഷൻ്റെ സ്റ്റൈല്ലും ഏറെ ശ്രദ്ധിക്കപ്പെടാറുണ്ട്.

സുഹൃത്തിൻ്റെ വിവാഹത്തിനായാണ് താരത്തിൻ്റെ പുതിയ ലുക്ക്. വളരെ സിമ്പിളായിട്ടാണ് താരം ഒരുങ്ങിയത്. ചിത്രങ്ങൾ താരം തന്നെയാണ് സോഷ്യൽ മീഡിയയിൽ പങ്കുവെച്ചത്.

ഫാഷൻ ഡിസൈനറായ തരുൺ തഹിലിയാനിയുടെ ഡിസൈനിൽ ചെയ്ത ഫ്ലോറൽ ഡിസൈനിലെ മൾട്ടികളർ ലെഹങ്കയാണ് താരം ധരിച്ചിരിക്കുന്നത്.

അതി​ഗംഭീരമായ ഈ ലെഹങ്കയ്ക്കൊപ്പം ഓഫ് ഷോൾഡർ ടോപ്പാണ് താരം ധരിച്ചിരിക്കുന്നത്. ബ്ലൗസിൽ മുത്തുകളും അതുപോലെ ത്രഡ് ഡീറ്റൈലിങ്ങും വേഷത്തിന് കൂടുതൽ ഭം​ഗി നൽകുന്നുണ്ട്.

ലിപ്പ് സ്റ്റിക്കും കണ്ണിൽ ഐ ഷാഡോയും മാത്രമാണ് മേക്കപ്പിട്ടിരിക്കുന്നത്. കണ്ണിനും ചുണ്ടിനും ഹൈലൈറ്റ് നൽകിയിട്ടുണ്ട്. വളരെ സിമ്പിളായി ഏറെ ഭംഗിയായിട്ടാണ് താരം ഒരുങ്ങിയിരിക്കുന്നത്.

വളരെ സിമ്പിളായ ഒരു കമ്മൽ മാത്രമാണ് താരം അണിഞ്ഞിരിക്കുന്നത്. ടോപ്പിലെ ഭംഗിയ്ക്ക് കൂടുതൽ ആകർഷണം നൽകാൻ താരം കഴുത്തിൽ മാലകൾ അണിഞ്ഞിട്ടില്ല.