സ്ത്രീകളേ നിങ്ങൾക്ക് സുഖമായി ഉറങ്ങാനാകുന്നില്ലേ, എങ്കിൽ ഉറങ്ങുമ്പോൾ നിങ്ങളുടെ അടുത്ത് നായയെ കൂടി കിടത്തിക്കോളൂ. അടുത്തിടെ ന്യൂയോര്ക്കിലെ കാനീഷ്യസ് കോളേജിൽ നടന്ന ഒരു പഠനത്തിലാണ് ഈ കണ്ടെത്തൽ. ഇതിലൂടെ ഒരു മനുഷ്യനോടൊപ്പം കിടന്നുറങ്ങുന്നതിലും സ്വസ്ഥമായി കിടന്നുറങ്ങാൻ സാധിക്കുമെന്നാണ് റിപ്പോര്ട്ട് പറയുന്നത്.
പഠന സംഘം 962 പ്രായപൂര്ത്തിയായ സ്ത്രീകളിലാണ് ഈ പഠനം നടത്തിയത്. ഇതിൽ 55 ശതമാനം പേരും നായയോടൊപ്പം കിടന്നുറങ്ങി. അൻപത്തിയേഴ് ശതമാനം പേരും മനുഷ്യരുടെയൊപ്പവും കിടന്നു. മുപ്പത്തിയൊന്ന് ശതമാനം പേര് പൂച്ചയോടൊപ്പവും കിടക്ക പങ്കിട്ടു.
ഇതിൽ നായയോടൊപ്പം കിടന്നുറങ്ങിയവര് കൂടുതൽ സ്വസ്ഥമായി ഉറങ്ങിയതായി അവകാശപ്പെട്ടു. കൂടുതൽ സുഖവും സുരക്ഷിതത്വവും അവര്ക്ക് തോന്നിയതായും പഠന റിപ്പോര്ട്ട് പറയുന്നു. വളര്ത്തുനായയുമൊത്തുള്ള അടുപ്പം കൂടുതൽ ബലപ്പെട്ടതായും അവര് അവകാശപ്പെട്ടു.
അതേസമയം പൂച്ചയോടൊപ്പം കിടന്നുറങ്ങുന്നതും മനുഷ്യനോടൊപ്പം കിടന്നുറങ്ങുന്നതും അത്രകണ്ട് സുഖമുള്ള കാര്യമല്ലെന്നാണ് റിപ്പോര്ട്ട് സൂചിപ്പിക്കുന്നത്.
ഇനി നിങ്ങൾക്ക് നേരത്തേ എണീക്കണമെന്നുണ്ടെങ്കിൽ ഒരു നായയെ വളര്ത്തുന്നത് എന്തുകൊണ്ടും നല്ലതാണ്. നായയെ വളര്ത്തുന്നവര് നേരത്തേ എഴുന്നേൽക്കാറുണ്ടെന്നും പഠനം പറയുന്നു. നായകൾക്ക് മുതലാളികമാരിൽ നിന്ന് സന്തോഷത്തോടെ തലോടൽ ഏറ്റുവാങ്ങാൻ മറ്റൊരു കാരണം കൂടി.
2017ൽ ഒരു ആരോഗ്യ സംരക്ഷണ കമ്പനി ആയ മയോ ക്ലിനിക്കാണ് ഈ പഠനം നടത്തിയിരിക്കുന്നത്. ഒരു വളര്ത്തു മൃഗമുള്ള ഉടമസ്ഥൻ്റെ ഉറക്കഘടന എങ്ങനെ ആണെന്ന് പഠിക്കുകയായിരുന്നു പഠനത്തിൻ്റെ ലക്ഷ്യം.