PC: pexels.com
Holi 2023 | ഫാല്‍ഗുന മാസത്തിലെ പൗര്‍ണമി നാളിനോടനുബന്ധിച്ചാണ് ഹോളിയും ഹോളിക ദഹനും ഒക്കെ ആഘോഷിക്കുന്നത്. പരസ്പരം നിറങ്ങള്‍ തൂവികയും, നിറങ്ങല്‍ കലര്‍ത്തിയ വെള്ളം നിറച്ച ബലൂണുകള്‍ എറിയുകയും, പിച്ചാക്കുഴലുകല്‍ ഉപയോഗിച്ച് കളര്‍ വെള്ളം ചീറ്റിക്കുകയും, പാട്ടും നൃത്തവും ഒക്കെയായി ആര്‍ത്തുല്ലസിച്ച് ആഘോഷിക്കുന്ന ഹോളി സന്തോഷത്തിന്റെ സുദിനമാണ്. ഇത്തവണത്തെ ഹോളി ആഘോഷങ്ങള്‍ 2023 മാര്‍ച്ച് ഏഴ്, എട്ട് തീയതികളിലാണ്. എട്ടാം തീയതിയാണ് വര്‍ണ്ണങ്ങള്‍ വാരിയെറിഞ്ഞുള്ള രംഗോലി ഹോളി ആഘോഷിക്കുന്നത്.
ഹോളിയെ സംബന്ധിച്ച അഞ്ച് വ്യത്യസ്ത ഐതീഹ്യങ്ങള്‍ അറിയാം:
ഹോളിക ദഹന്‍
അസുരരാജാവായ ഹിരണ്യകശിപു, പരമശിവനെ തപസ്സ് ചെയ്ത് അതിശക്തമായ വരങ്ങള്‍ സ്വന്തമാക്കി. തന്റെ ബലത്തില്‍ അഹംഭാവിയായി മറായി അസുരന്‍, ത്രിഭുവനങ്ങള്‍ കീഴടക്കി. ഇനി തന്നേ വേണം എല്ലാവരും ആരാധിക്കേണ്ടത് എന്ന് കല്‍പ്പിച്ചു. എന്നാല്‍ മഹാവിഷ്ണു ഭക്തനും ഹിരണ്യകശിപുവിന്റെ മകനുമായ പ്രഹ്ലാദന്‍ അത് നിരസിച്ച്, തുടര്‍ന്നും വിഷ്ണുവിനെ ആരാധിച്ചു. പലതവണ പറഞ്ഞിട്ടും കേള്‍ക്കാതിരുന്ന പ്രഹ്ലാദനെ കൊല്ലുവാന്‍ ഹിരണ്യകശ്യപു പല മാര്‍ഗ്ഗങ്ങളും നോക്കിയെങ്കിലും എല്ലാം പരാജയപ്പെട്ടു.
ഇതില്‍ രോഷാകുലനായ ഹിരണ്യകശിപു തന്റെ അസുരസഹോദരിയും അഗ്നിയില്‍ ദഹിക്കാതെ നില്‍ക്കാന്‍ ശേഷിയുമുള്ള ഹോളികയോട് പ്രഹ്ലാദനെ കൊല്ലാന്‍ ഉത്തരവിട്ടു. ഒരു ചിത കത്തിച്ചു, പ്രഹ്ലാദനെയും മടിയിലിരുത്തി ഹോളിക അതില്‍ ഇരുന്നു. പക്ഷേ ആ അഗ്നിയില്‍ ഹോളിക ദഹിക്കുകയും, പ്രഹ്ലാദന്‍ രക്ഷപ്പെടുകയും ചെയ്തു. പിന്നീട് നടന്ന യുദ്ധത്തില്‍ ഹിരണ്യകശിപുവിനെ മഹാവിഷ്ണുവിന്റെ അവതാരമായ നരസിംഹം വധിച്ചു. തിന്മയുടെ മേല്‍ നന്മയുടെ വിജയത്തെ അടയാളപ്പെടുത്തുന്ന ഹോളിക ദഹന്‍ അങ്ങനെ വിശുദ്ധ ദിനമായി ആചരിച്ചു തുടങ്ങി.
രാധാകൃഷ്ണ പ്രേമം
രാധാകൃഷ്ണന്മാരുടെ പ്രേമം അനശ്വരമായ സ്‌നേഹത്തെയാണ് കുറിക്കുന്നത്. കാര്‍മുകില്‍ വര്‍ണ്ണനായ ശ്രീകൃഷ്ണനെ, രാധയും ഗോപികന്മാരും കളിയായി പരിഹസിച്ചു. ഇതേ തുടര്‍ന്ന് കൃഷ്ണന്റെ മാതാവ് യശോദ രാധയെയും സഖിമാരെയും നിറത്തില്‍ കുളിപ്പിക്കാന്‍ ഉപദേശിച്ചു. തുടര്‍ന്ന് കൃഷ്ണന്‍ രാധയുടെയും ഗോപികന്മാരുടെയും മേല്‍ നിറങ്ങള്‍ തൂവി. തുടര്‍ന്ന് അവര്‍ പരസ്പരം നിറങ്ങളില്‍ കളിച്ച് ലീലകള്‍ ആടി. ഈ ദിവസത്തെ അനുസ്മരിപ്പിച്ചാണ് നിറങ്ങള്‍ വാരിവിതറിയെറിയുന്ന ഹോളി ആഘോഷിച്ചു തുടങ്ങിയതെന്ന് പറയുന്നു.
ധുന്ധിയെ ഓടിക്കുന്നു
ഹോളിയിലെ ഈ ആചാരം കുട്ടികള്‍ക്കിടയില്‍ വളരെ പ്രസിദ്ധമാണ്. ഏറ്റവും വഞ്ചന നിറഞ്ഞ ദുഷ്ശക്തികളിലൊന്നായിരുന്നു ദുന്ധി എന്ന ദുര്‍ദേവത. അവളെ ഒഴിവാക്കാന്‍ പല കാര്യങ്ങള്‍ ചെയ്തിട്ടും അത് നടന്നില്ല. ഒടുവില്‍ ആചാര്യന്മാരുടെ നിര്‍ദ്ദേശപ്രകാരം കുട്ടികള്‍ തങ്ങളുടെ കുസൃതി കളിക്കളോടെയാണ് ദുന്ധിയെ ആട്ടിയൊടിച്ചത്. ദുന്ധിയെ കെണിയിലാക്കാനായി, ആണ്‍കുട്ടികള്‍ വിറകും പഴയ സമാഗ്രികളും ഒക്കെ ശേഖരിച്ച് തീക്കുണ്ഡം ഒരുക്കുന്നു.
ഈ തീക്കുണ്ഡത്തിന് ചുറ്റുമിരുന്ന് കുട്ടികള്‍ ആര്‍ത്തട്ടഹസിച്ച്, ചെണ്ടക്കൊട്ടി, കൈകൊട്ടി, അസഭ്യം പറഞ്ഞു, കളിയാക്കി ബഹളം വച്ചു. ദുന്ധി പോകുന്നതുവരെ ഇത് തുടര്‍ന്നു. പദ്ധതി വിജയിച്ചതോടെ അന്നുമുതല്‍ ആണ്‍കുട്ടികള്‍ ഹോളിക ദഹനോട് അനുബന്ധിച്ച് തീയൊരുക്കി ദുന്ധിയെ ഓടിക്കാനായി ബഹളം വച്ച് തുടങ്ങി.
കാമദേവന്റെ ത്യാഗം
സതിദേവി ഹോമാഗ്നിയില്‍ ആത്മഹൂതി ചെയ്തത്തിന് ശേഷം പരമശിവന്‍ രോഷാകുലനായി കാരണക്കാരെ ശിക്ഷിക്കുകയും പിന്നീട് വിരക്തനായി ധ്യാനത്തില്‍ ലയിക്കുകയും ചെയ്തു. പരമശിവനെ ഉണര്‍ത്താന്‍ കഴിയാതെ മൂന്ന് ലോകവും ഒരുപാട് കഷ്ടപ്പെട്ടു. ഒടുവില്‍ സതിദേവി പാര്‍വ്വതിയായി പുനര്‍ജനിച്ചു. പാര്‍വ്വതി ദേവി പരമശിവനെ പ്രീതിപ്പെടുത്താന്‍ പലതും ചെയ്‌തെങ്കിലും അദ്ദേഹം ധ്യാനത്തില്‍ നിന്ന് ഉണര്‍ന്നില്ല. ഒടുവില്‍ ദേവന്മാരുടെ അഭ്യര്‍ത്ഥന പ്രകാരം പ്രണയത്തിന്റെ ദേവതന്മാരായ കാമദേവനും പത്‌നി രതിദേവിയും പരമശിവന്റെ അടുത്തെത്തി.
അവര്‍ എന്തുചെയ്തിട്ടും പരമശിവന്‍ ധ്യാനത്തില്‍ നിന്ന് എഴുന്നേല്‍ക്കുകയോ പാര്‍വ്വതിയില്‍ അനുരുക്തനാവുകയോ ചെയ്തില്ല. ഒടുവില്‍ അനന്തരഫലങ്ങളെക്കുറിച്ച് ബോധ്യമുണ്ടായിട്ടും കാമദേവന്‍, പരമശിവന്റെ ഹൃദയത്തിന് നേരേ കാമബാണം പ്രയോഗിച്ചു. അതോടെ ധ്യാനത്തില്‍ പരമശിവന്‍ കോപാകുലനായി എഴുന്നേറ്റു. മുന്നില്‍ കാമദേവനെ കണ്ട് പരമശിവന്‍ തൃക്കണ്ണാല്‍ ദഹിപ്പിക്കുകയും ചെയ്തു. ഒടുവില്‍ പാര്‍വ്വതി ദേവിയുടെയും രതി ദേവിയുടെയും ദേവന്മാരുടെ അഭ്യര്‍ത്ഥന പ്രകാരം പരമശിവന്‍ കാമദേവനെ പുനര്‍ജ്ജീവിപ്പിച്ചു.
ഈ ദിവസമാണ് ഹോളിയായി ആഘോഷിച്ചതെന്നാണ് ദക്ഷിണേന്ത്യയില്‍ പ്രചാരത്തിലുള്ള ഒരു കഥ. അതിനാല്‍ ഹോളി മദനോത്സമവായിട്ടും ആഘോഷിക്കുന്നു.
പൂതനാ വധം
ചില പ്രദേശങ്ങളില്‍ പൂതനയുടെ അന്ത്യത്തെ തുടര്‍ന്നുള്ള ആഘോഷങ്ങളെ അുസ്മരിക്കാന്‍ ഹോളി ആചരിക്കുന്നു. മഥുരയിലെ രാജാവായ കംസന്‍, പൂതന എന്ന രാക്ഷസിയോട് വിഷം കലര്‍ന്ന മുലപാല്‍ നല്‍കി കുഞ്ഞായ ശ്രീകൃഷ്ണനെ കൊല്ലാന്‍ ആജ്ഞാപിച്ചു, എന്നാല്‍ കൃഷ്ണന്‍ അവളില്‍ നിന്ന് പാലിനൊപ്പം ജീവനും വലിച്ചെടുത്ത് അവള്‍ക്ക് മോക്ഷം നല്‍കി. ഹോളിക ദഹന്റെ അന്നാണ് പൂതന വധം നടന്നതെന്നാണ് ഐതീഹ്യം.
Disclaimer:
ഈ പേജില്‍ പ്രസിദ്ധീകരിക്കുന്ന ലേഖനങ്ങള്‍ വിശ്വാസവുമായി മാത്രം ബന്ധം പുലര്‍ത്തുന്നതാണ്. ഇവയ്ക്ക് ശാസ്ത്രീയമായ സാധുതയുണ്ടോ എന്നത് തര്‍ക്കവിധേയമാണ്. സ്വന്തം തീരുമാനങ്ങളുടെ പുറത്ത് മാത്രം ഈ വിവരങ്ങള്‍ പിന്‍തുടരുക. പ്രാദേശികമായി പ്രചാരമുള്ള വിവരങ്ങള്‍ പ്രസിദ്ധപ്പെടുത്തുന്നു എന്നതിനപ്പുറം സമയം മലയാളം ഏതെങ്കിലും തരത്തില്‍ ഈ വിവരങ്ങള്‍ സാക്ഷ്യപ്പെടുത്തുന്നില്ല.
Holi 2023 | ഫാല്‍ഗുന മാസത്തിലെ പൗര്‍ണമി നാളിനോടനുബന്ധിച്ചാണ് ഹോളിയും ഹോളിക ദഹനും ഒക്കെ ആഘോഷിക്കുന്നത്. പരസ്പരം നിറങ്ങള്‍ തൂവികയും, നിറങ്ങല്‍ കലര്‍ത്തിയ വെള്ളം നിറച്ച ബലൂണുകള്‍ എറിയുകയും, പിച്ചാക്കുഴലുകല്‍ ഉപയോഗിച്ച് കളര്‍ വെള്ളം ചീറ്റിക്കുകയും, പാട്ടും നൃത്തവും ഒക്കെയായി ആര്‍ത്തുല്ലസിച്ച് ആഘോഷിക്കുന്ന ഹോളി സന്തോഷത്തിന്റെ സുദിനമാണ്. ഇത്തവണത്തെ ഹോളി ആഘോഷങ്ങള്‍ 2023 മാര്‍ച്ച് ഏഴ്, എട്ട് തീയതികളിലാണ്. എട്ടാം തീയതിയാണ് വര്‍ണ്ണങ്ങള്‍ വാരിയെറിഞ്ഞുള്ള രംഗോലി ഹോളി ആഘോഷിക്കുന്നത്.
ഹോളിയെ സംബന്ധിച്ച അഞ്ച് വ്യത്യസ്ത ഐതീഹ്യങ്ങള്‍ അറിയാം:
ഹോളിക ദഹന്‍
അസുരരാജാവായ ഹിരണ്യകശിപു, പരമശിവനെ തപസ്സ് ചെയ്ത് അതിശക്തമായ വരങ്ങള്‍ സ്വന്തമാക്കി. തന്റെ ബലത്തില്‍ അഹംഭാവിയായി മറായി അസുരന്‍, ത്രിഭുവനങ്ങള്‍ കീഴടക്കി. ഇനി തന്നേ വേണം എല്ലാവരും ആരാധിക്കേണ്ടത് എന്ന് കല്‍പ്പിച്ചു. എന്നാല്‍ മഹാവിഷ്ണു ഭക്തനും ഹിരണ്യകശിപുവിന്റെ മകനുമായ പ്രഹ്ലാദന്‍ അത് നിരസിച്ച്, തുടര്‍ന്നും വിഷ്ണുവിനെ ആരാധിച്ചു. പലതവണ പറഞ്ഞിട്ടും കേള്‍ക്കാതിരുന്ന പ്രഹ്ലാദനെ കൊല്ലുവാന്‍ ഹിരണ്യകശ്യപു പല മാര്‍ഗ്ഗങ്ങളും നോക്കിയെങ്കിലും എല്ലാം പരാജയപ്പെട്ടു.
ഇതില്‍ രോഷാകുലനായ ഹിരണ്യകശിപു തന്റെ അസുരസഹോദരിയും അഗ്നിയില്‍ ദഹിക്കാതെ നില്‍ക്കാന്‍ ശേഷിയുമുള്ള ഹോളികയോട് പ്രഹ്ലാദനെ കൊല്ലാന്‍ ഉത്തരവിട്ടു. ഒരു ചിത കത്തിച്ചു, പ്രഹ്ലാദനെയും മടിയിലിരുത്തി ഹോളിക അതില്‍ ഇരുന്നു. പക്ഷേ ആ അഗ്നിയില്‍ ഹോളിക ദഹിക്കുകയും, പ്രഹ്ലാദന്‍ രക്ഷപ്പെടുകയും ചെയ്തു. പിന്നീട് നടന്ന യുദ്ധത്തില്‍ ഹിരണ്യകശിപുവിനെ മഹാവിഷ്ണുവിന്റെ അവതാരമായ നരസിംഹം വധിച്ചു. തിന്മയുടെ മേല്‍ നന്മയുടെ വിജയത്തെ അടയാളപ്പെടുത്തുന്ന ഹോളിക ദഹന്‍ അങ്ങനെ വിശുദ്ധ ദിനമായി ആചരിച്ചു തുടങ്ങി.
രാധാകൃഷ്ണ പ്രേമം
രാധാകൃഷ്ണന്മാരുടെ പ്രേമം അനശ്വരമായ സ്‌നേഹത്തെയാണ് കുറിക്കുന്നത്. കാര്‍മുകില്‍ വര്‍ണ്ണനായ ശ്രീകൃഷ്ണനെ, രാധയും ഗോപികന്മാരും കളിയായി പരിഹസിച്ചു. ഇതേ തുടര്‍ന്ന് കൃഷ്ണന്റെ മാതാവ് യശോദ രാധയെയും സഖിമാരെയും നിറത്തില്‍ കുളിപ്പിക്കാന്‍ ഉപദേശിച്ചു. തുടര്‍ന്ന് കൃഷ്ണന്‍ രാധയുടെയും ഗോപികന്മാരുടെയും മേല്‍ നിറങ്ങള്‍ തൂവി. തുടര്‍ന്ന് അവര്‍ പരസ്പരം നിറങ്ങളില്‍ കളിച്ച് ലീലകള്‍ ആടി. ഈ ദിവസത്തെ അനുസ്മരിപ്പിച്ചാണ് നിറങ്ങള്‍ വാരിവിതറിയെറിയുന്ന ഹോളി ആഘോഷിച്ചു തുടങ്ങിയതെന്ന് പറയുന്നു.
ധുന്ധിയെ ഓടിക്കുന്നു
ഹോളിയിലെ ഈ ആചാരം കുട്ടികള്‍ക്കിടയില്‍ വളരെ പ്രസിദ്ധമാണ്. ഏറ്റവും വഞ്ചന നിറഞ്ഞ ദുഷ്ശക്തികളിലൊന്നായിരുന്നു ദുന്ധി എന്ന ദുര്‍ദേവത. അവളെ ഒഴിവാക്കാന്‍ പല കാര്യങ്ങള്‍ ചെയ്തിട്ടും അത് നടന്നില്ല. ഒടുവില്‍ ആചാര്യന്മാരുടെ നിര്‍ദ്ദേശപ്രകാരം കുട്ടികള്‍ തങ്ങളുടെ കുസൃതി കളിക്കളോടെയാണ് ദുന്ധിയെ ആട്ടിയൊടിച്ചത്. ദുന്ധിയെ കെണിയിലാക്കാനായി, ആണ്‍കുട്ടികള്‍ വിറകും പഴയ സമാഗ്രികളും ഒക്കെ ശേഖരിച്ച് തീക്കുണ്ഡം ഒരുക്കുന്നു.
ഈ തീക്കുണ്ഡത്തിന് ചുറ്റുമിരുന്ന് കുട്ടികള്‍ ആര്‍ത്തട്ടഹസിച്ച്, ചെണ്ടക്കൊട്ടി, കൈകൊട്ടി, അസഭ്യം പറഞ്ഞു, കളിയാക്കി ബഹളം വച്ചു. ദുന്ധി പോകുന്നതുവരെ ഇത് തുടര്‍ന്നു. പദ്ധതി വിജയിച്ചതോടെ അന്നുമുതല്‍ ആണ്‍കുട്ടികള്‍ ഹോളിക ദഹനോട് അനുബന്ധിച്ച് തീയൊരുക്കി ദുന്ധിയെ ഓടിക്കാനായി ബഹളം വച്ച് തുടങ്ങി.
കാമദേവന്റെ ത്യാഗം
സതിദേവി ഹോമാഗ്നിയില്‍ ആത്മഹൂതി ചെയ്തത്തിന് ശേഷം പരമശിവന്‍ രോഷാകുലനായി കാരണക്കാരെ ശിക്ഷിക്കുകയും പിന്നീട് വിരക്തനായി ധ്യാനത്തില്‍ ലയിക്കുകയും ചെയ്തു. പരമശിവനെ ഉണര്‍ത്താന്‍ കഴിയാതെ മൂന്ന് ലോകവും ഒരുപാട് കഷ്ടപ്പെട്ടു. ഒടുവില്‍ സതിദേവി പാര്‍വ്വതിയായി പുനര്‍ജനിച്ചു. പാര്‍വ്വതി ദേവി പരമശിവനെ പ്രീതിപ്പെടുത്താന്‍ പലതും ചെയ്‌തെങ്കിലും അദ്ദേഹം ധ്യാനത്തില്‍ നിന്ന് ഉണര്‍ന്നില്ല. ഒടുവില്‍ ദേവന്മാരുടെ അഭ്യര്‍ത്ഥന പ്രകാരം പ്രണയത്തിന്റെ ദേവതന്മാരായ കാമദേവനും പത്‌നി രതിദേവിയും പരമശിവന്റെ അടുത്തെത്തി.
അവര്‍ എന്തുചെയ്തിട്ടും പരമശിവന്‍ ധ്യാനത്തില്‍ നിന്ന് എഴുന്നേല്‍ക്കുകയോ പാര്‍വ്വതിയില്‍ അനുരുക്തനാവുകയോ ചെയ്തില്ല. ഒടുവില്‍ അനന്തരഫലങ്ങളെക്കുറിച്ച് ബോധ്യമുണ്ടായിട്ടും കാമദേവന്‍, പരമശിവന്റെ ഹൃദയത്തിന് നേരേ കാമബാണം പ്രയോഗിച്ചു. അതോടെ ധ്യാനത്തില്‍ പരമശിവന്‍ കോപാകുലനായി എഴുന്നേറ്റു. മുന്നില്‍ കാമദേവനെ കണ്ട് പരമശിവന്‍ തൃക്കണ്ണാല്‍ ദഹിപ്പിക്കുകയും ചെയ്തു. ഒടുവില്‍ പാര്‍വ്വതി ദേവിയുടെയും രതി ദേവിയുടെയും ദേവന്മാരുടെ അഭ്യര്‍ത്ഥന പ്രകാരം പരമശിവന്‍ കാമദേവനെ പുനര്‍ജ്ജീവിപ്പിച്ചു.
ഈ ദിവസമാണ് ഹോളിയായി ആഘോഷിച്ചതെന്നാണ് ദക്ഷിണേന്ത്യയില്‍ പ്രചാരത്തിലുള്ള ഒരു കഥ. അതിനാല്‍ ഹോളി മദനോത്സമവായിട്ടും ആഘോഷിക്കുന്നു.
പൂതനാ വധം
ചില പ്രദേശങ്ങളില്‍ പൂതനയുടെ അന്ത്യത്തെ തുടര്‍ന്നുള്ള ആഘോഷങ്ങളെ അുസ്മരിക്കാന്‍ ഹോളി ആചരിക്കുന്നു. മഥുരയിലെ രാജാവായ കംസന്‍, പൂതന എന്ന രാക്ഷസിയോട് വിഷം കലര്‍ന്ന മുലപാല്‍ നല്‍കി കുഞ്ഞായ ശ്രീകൃഷ്ണനെ കൊല്ലാന്‍ ആജ്ഞാപിച്ചു, എന്നാല്‍ കൃഷ്ണന്‍ അവളില്‍ നിന്ന് പാലിനൊപ്പം ജീവനും വലിച്ചെടുത്ത് അവള്‍ക്ക് മോക്ഷം നല്‍കി. ഹോളിക ദഹന്റെ അന്നാണ് പൂതന വധം നടന്നതെന്നാണ് ഐതീഹ്യം.
Disclaimer:
ഈ പേജില്‍ പ്രസിദ്ധീകരിക്കുന്ന ലേഖനങ്ങള്‍ വിശ്വാസവുമായി മാത്രം ബന്ധം പുലര്‍ത്തുന്നതാണ്. ഇവയ്ക്ക് ശാസ്ത്രീയമായ സാധുതയുണ്ടോ എന്നത് തര്‍ക്കവിധേയമാണ്. സ്വന്തം തീരുമാനങ്ങളുടെ പുറത്ത് മാത്രം ഈ വിവരങ്ങള്‍ പിന്‍തുടരുക. പ്രാദേശികമായി പ്രചാരമുള്ള വിവരങ്ങള്‍ പ്രസിദ്ധപ്പെടുത്തുന്നു എന്നതിനപ്പുറം സമയം മലയാളം ഏതെങ്കിലും തരത്തില്‍ ഈ വിവരങ്ങള്‍ സാക്ഷ്യപ്പെടുത്തുന്നില്ല.