രജനികാന്ത് പലമ്പൂര്‍ ആശ്രമത്തിലെ ശിവക്ഷേത്രം സന്ദര്‍ശിച്ചു

നടൻ രജനികാന്ത് ഹിമാചൽ പ്രദേശിലെ പലമ്പൂര്‍ ആശ്രമത്തിലെ ശിവക്ഷേത്രം സന്ദര്‍ശിച്ചു. അദ്ദേഹത്തിന്‍റെ ആത്മീയ ഗുരുവായ ഗുരു യോഗിരാജ് അമര്‍ ജ്യോതി ജി മഹാരാജിനെ സന്ദര്‍ശിക്കാനാണ് താരം ആശ്രമത്തിലെത്തിയത്. പലമ്പൂരിൽ നിന്ന് റിഷികേശിലേക്ക് യാത്ര തിരിച്ച താരം തുടര്‍ന്ന് ഹിമാലയ സാനുക്കളിലേക്ക് തിരിച്ചു.


ആത്മീയ ഗുരുവായ ഗുരു യോഗിരാജ് അമര്‍ ജ്യോതി ജി മഹാരാജാണ് രജനികാന്തിൻ്റെ സമീപം നിൽക്കുന്നത്.

ശനിയാഴ്ച ഉച്ചയ്ക്ക് ശേഷമാണ് താരം പലമ്പൂര്‍ ശിവക്ഷേത്രത്തിലേക്ക് എത്തിയത്. നവചൈതന്യം ആര്‍ജ്ജിച്ച് സ്വയം പുതുക്കാനാണ് താരം ഗുരുവിന്‍റെ പക്കലെത്തിയത്. മെഡിറ്റേഷന്‍റെ പുതിയ രീതികൾ ആര്‍ജ്ജിക്കാനും ഗുരുവിന്‍റെ അനുഗ്രഹം വാങ്ങാനും രജനികാന്ത് മറന്നില്ല.