നാളെ ഗുരുവായൂര്‍ ഏകാദശി. ഏകാദശി ചടങ്ങുകൾക്കായി ഗുരുവായൂര്‍ ക്ഷേത്രം ഒരുങ്ങി
TNN9 Dec 2016, 8:42 pm
ഗുരുവായൂര്‍ നാളെ ഗുരുവായൂര്‍ ഏകാദശി. ഏകാദശി ചടങ്ങുകൾക്കായി ഗുരുവായൂര്‍ ക്ഷേത്രം ഒരുങ്ങി. ഒരുമാസമായി നടത്തിവന്ന വിളക്കാഘോഷങ്ങള്‍ ഇന്ന്‌ ദശമി വിളക്കോടെ സമാപിക്കും. ഏകാദശിക്കാണ് ക്ഷേത്രത്തിൽ ഏറ്റവുമധികം ഭക്ത‍ർ എത്തുന്നത്. വ്രതാനുഷ്ഠാനങ്ങളില്‍ ഏറ്റവും ശ്രേഷ്ഠം ഏകാദശി വ്രതം തന്നെയാണ്. ഏകാദശിവ്രതങ്ങളില്‍ മഹാഖ്യാതി ഗുരുവായൂര്‍ ഏകാദശിവ്രതത്തിനാണെന്നാണ് ഐതിഹ്യം
Samayam Malayalamഏകാദശി ചടങ്ങുകൾക്കായി ഗുരുവായൂർ ഒരുങ്ങി
നാളെ ഏകാദശി ദിവസം ഉദയാസ്‌തമനപൂജയോടെ വിളക്കാഘോഷം ദേവസ്വം നേരിട്ടാണ്‌ നടത്തുന്നത്‌. രാവിലെ മേളത്തോടെ കാഴ്ചശീവേലി, തുടര്‍ന്ന്‌ ഒന്‍പതിന്‌ പാര്‍ഥസാരഥി ക്ഷേത്രത്തിലേക്ക്‌ എഴുന്നള്ളിപ്പ്‌, രാത്രി വിളക്കെഴുന്നള്ളിപ്പ്‌ എന്നിവയുണ്ടാകും. ഊട്ടുപുരയിലും പടിഞ്ഞാറെ നടയില്‍ പ്രത്യേക പന്തലിലും ഭക്‌തജനങ്ങള്‍ക്ക്‌ ഗോതമ്പ്‌ ചോറ്‌, രസകാളന്‍ എന്നിവയോടെ ഏകാദശി വിഭവങ്ങളും നല്‍കും.
ഗുരുവായൂര്‍ക്ഷേത്രത്തില്‍ താന്ത്രികചടങ്ങുകള്‍ക്കൊഴികെ മുഴുവന്‍ സമയവും ദര്‍ശനത്തിനായി ശ്രീ കോവില്‍ തുറന്നിരിക്കുന്ന ദിനവും, ഗുരുവായൂര്‍ ക്ഷേത്രപ്രതിഷ്ഠ നടത്തിയതും ഈ സുദിനത്തിലാണെന്നത് പ്രത്യേകം ശ്രദ്ധേയമാണ്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
