ആയിരങ്ങൾ കുറിച്ചു "ഹരിശ്രീ ഗണപതയേ നമഃ "

വിജയദശമി ദിനത്തില്‍ ആദ്യാക്ഷരം കുറിച്ച് വിദ്യാലോകത്തിലേക്ക് ചുവട് വയ്ക്കുകയാണ് ഇന്ന് കുരുന്നുകള്‍. തൃശ്ശൂര്‍ തിരുവള്ളക്കാവ് ക്ഷേത്രത്തില്‍ ആയിരങ്ങളാണ് വിദ്യാരംഭത്തിനായി ക്ഷേത്രത്തിലെത്തിയത്.
അക്ഷരമുറ്റത്തേക്ക് പിച്ചവെച്ച് ആയിരക്കണക്കിന് കുരുന്നുകള്‍ അറിവിന്റെ ആദ്യാക്ഷരം കുറിച്ചു. ക്ഷേത്രങ്ങളിലും സാംസികാരിക കേന്ദ്രങ്ങളിലും എഴുത്തിനിരുത്തല്‍ ചടങ്ങ് നടന്നു. സരസ്വതി ക്ഷേത്രങ്ങളില്‍ വന്‍ തിരക്കാണ് അനുഭവപ്പെട്ടത്.

കോട്ടയം പനച്ചിക്കാട് ദേവീക്ഷേത്രം, പറവൂര്‍ ദക്ഷിണമൂകാംബിക ക്ഷേത്രം, ചോറ്റാനിക്കര ദേവീക്ഷേത്രം, തിരൂര്‍ തുഞ്ചന്‍ പറമ്പ് എന്നിവിടങ്ങളില്‍ വന്‍തിരക്കാണ് അനുഭവപ്പെട്ടത്. പുലര്‍ച്ചെ നാലു മണി മുതലാണ് തുഞ്ചന്‍ പറമ്പില്‍ വിദ്യാരംഭം ആരംഭിച്ചത്.