ഭരണങ്ങാനത്ത് ഏകാദശീവ്രതം അനുഷ്ഠിച്ചാൽ...!

കോട്ടയം ജില്ലയിലെ പാലായിൽ നിന്ന് ഏകദേശം അഞ്ച് കിലോമീറ്റർ അകലെയാണ് ഭരണങ്ങാനം ശ്രീകൃഷ്ണസ്വാമി ക്ഷേത്രം. ദ്വാപരയുഗത്തിൽ ധർമ്മപുത്രർ പ്രതിഷ്ടിച്ച ഈ ക്ഷേത്രത്തിലെ കൃഷ്ണാഞ്ജന ശിലയിലുള്ള ചതുർബാഹുവിഗ്രഹത്തിന്റെ പ്രാധാന്യം വർണാതീതമാണ്. തത്തുല്യമായ വിശിഷ്ട വിഗ്രഹം മറ്റോരിടത്ത് ഉള്ളത് ഗുരുവായൂരിൽ മാത്രമാണ് . മൂന്നു നൂറ്റാണ്ടിലേറെ പഴക്കമുള്ള നിഴൽ വീഴാത്ത ആൽവിളക്കും ബലിക്കൽപ്പുരയുടെ മേൽത്തട്ടിലുള്ള അഷ്ടദിക്പാലകൻമാരുടെ ദാരുശിൽപ്പങ്ങളും ഈ ക്ഷേത്രത്തിലെ ചൈതന്യത്തിന് മാറ്റു കൂട്ടുന്നു.

ദ്വാപരയുഗത്തിൽ ഏകദേശം അയ്യായിരം ധർമ്മപുത്രർ ഏകാദശീ വൃതമനുഷ്ടിച്ച് പാരണ വീട്ടിയ സ്ഥലമാകയാൽ ദേശത്തിന് പാരണം കാനം എന്ന പേർ ലഭിച്ചു. കാനനം എന്നാൽ വനമെന്നർത്ഥം പാരണം കാനന മെന്നാൽ പാരണ വീടിയ കാനനം എന്ന് ലോപിച്ച് ഇത് ഭരണങ്ങാനമായി. ഏകാദശി വൃത പൂർത്തീകരണത്തിനായി പ്രതിഷ്ഠിതമായ ഈ ക്ഷേത്രത്തിൽ ഏകാദശീവ്രതമെങ്കിലുമനുഷ്ടിക്കുന്നത് സ്വർഗ്ഗവാതിൽ ദ‍ർശിക്കുന്നതിന് തുല്യമാണെന്നാണ് പഴമക്കാർ പറഞ്ഞു വരുന്നത്.