സി. റാണി മരിയ വാഴ്ത്തപ്പെട്ട രക്തസാക്ഷി; പ്രഖ്യാപനം നവം.4ന്

ഭോപ്പാൽ∙ ദൈവദാസി സിസ്റ്റർ റാണി മരിയയെ വാഴ്ത്തപ്പെട്ട രക്തസാക്ഷി പദവിയിലേക്ക് ഉയർത്തിക്കൊണ്ടുള്ള പ്രഖ്യാപനം നവംബർ നാലിനു മധ്യപ്രദേശിലെ ഇൻഡോറിൽ നടക്കുമെന്നു ഭോപ്പാൽ രൂപതാ അധികൃതർ അറിയിച്ചു. രാവിലെ പത്തിന് ഇൻഡോർ ബിഷപ്‌സ് ഹൗസിനടുത്തുള്ള സെന്റ് പോൾസ് ഹൈസ്‌കൂൾ ഗ്രൗണ്ടിലാണു ചടങ്ങുകൾ.

റാണി മരിയയെ വാഴ്ത്തപ്പെട്ട രക്തസാക്ഷിയായി പ്രഖ്യാപിക്കാനുള്ള കർദിനാൾ തിരുസംഘത്തിന്റെ ശുപാർശ നേരത്തേ ഫ്രാൻസിസ് മാർപാപ്പ അംഗീകരിച്ചിരുന്നു. പെരുമ്പാവൂർ പുല്ലുവഴി സ്വദേശിയായ സിസ്റ്റർ റാണിമരിയ ഫ്രാൻസിസ്‌കൻ ക്ലാരിസ്റ്റ് കോൺഗ്രിഗേഷൻ (എഫ്സിസി) സന്യാസിനീസഭാംഗമാണ്. ഇൻഡോർ ഉദയ്‌നഗർ കേന്ദ്രീകരിച്ചു പ്രേഷിത ശുശ്രൂഷ നടത്തവേ, 1995 ഫെബ്രുവരി 25നാണ് ഇവർ കൊല്ലപ്പെട്ടത്.

nun rani maria canonisation

canonisation process of nun rani maria.