ക്രിസ്തുവിന്‍റെ അന്ത്യത്താഴ സ്‌മരണ പുതുക്കി ഇന്ന് പെസഹ

തിരുവനന്തപുരം: ക്രിസ്തീയ വിശ്വാസത്തിലെ പ്രധാന അനുഷ്ഠാനമായ കുർബാന സ്ഥാപനത്തിന്‍റെയും യേശുവിന്‍റെ അന്ത്യാത്തഴത്തിന്‍റെയും സ്മരണ പുതുക്കി ഇന്ന് പെസഹ ആചരിക്കുന്നു. പെസഹ പെരുന്നാൾ ദിവസമാണ് യേശു ശിഷ്യന്മാരുടെ പാദങ്ങൾ കഴുകിയത്. യേശു അന്ത്യാത്തഴത്തിനായി അപ്പം മുറിച്ചതിന്‍റെ ഓർമ പുതുക്കൽ കൂടിയാണ് പെസഹ.

ഇന്ന് ദേവാലയങ്ങളിൽ കാൽ കഴുകൽ ചടങ്ങും അപ്പം മുറിക്കലും പ്രത്യേക കുർബാനയും നടക്കും. വീടുകളിൽ ഇന്ന് വൈകുന്നേരം കുടുംബങ്ങളിലെ മുതിർന്നയാൾ പെസഹ അപ്പം മുറിച്ച് നൽകും. പെസഹായുടെ തുടർച്ചയായി നാളെ ദുഃഖവെള്ളി ആചരിക്കും. എറണാകുളം സെന്‍റ് മേരീസ് ബസലിക്കയിൽ സിറോ മലബാർ സഭാ മേജർ ആർച്ച് ബിഷപ്പ് കർദിനാൾ മാർ ജോർജ് ആലഞ്ചേരി കുർബാനക്ക് നേതൃത്വം നൽകി.