വൈദികന്റേത് ഗുരുതരമായ തെറ്റ്: മാര്‍ ആലഞ്ചേരി

കൊച്ചി: കൊട്ടിയൂ‍‍ർ സംഭവത്തില്‍ വൈദികന് പറ്റിയത് ഗുരുതരമായ തെറ്റാണെന്ന് സിറോ മലബാര്‍ സഭ മേജര്‍ ആര്‍ച്ച്‌ ബിഷപ് കര്‍ദിനാള്‍ മാര്‍ ജോര്‍ജ് ആലഞ്ചേരി. കുറ്റവാളികളെ ഒരു കാരണവശാലും സഭ സംരക്ഷിക്കില്ല. ഇത്തരം കുറ്റകൃത്യങ്ങള്‍ ഭാവിയില്‍ ആവര്‍ത്തിക്കാതിരിക്കാന്‍ സഭ ജാഗ്രത പുലര്‍ത്തുമെന്നും മാര്‍ ആലഞ്ചേരി വ്യക്തമാക്കി.

പീഡനക്കേസില്‍ ഇരയായ പെണ്‍കുട്ടിയോടും കുടുംബത്തോടും മാപ്പുപറഞ്ഞ് മാനന്തവാടി രൂപതയും ഇന്നു രംഗത്തെത്തിയിരുന്നു. ഇരയാക്കപ്പെട്ടവരുടെ കണ്ണീരില്‍ പങ്കുചേരുന്നുവെന്ന് മാനന്തവാടി ബിഷപ് മാര്‍ ജോസ് പൊരുന്നേടം വ്യക്തമാക്കി.


English summary: Syro Malabar Church major archbishop Cardinal Mar George Alencherry has termed the instance of a priest raping a minor student at Kottiyoor a grave crime.