മാസപ്പിറവി ദൃശ്യമായില്ല; ചെറിയ പെരുന്നാള്‍ ബുധനാഴ്ച

കോഴിക്കോട്: സംസ്ഥാനത്ത് ശവ്വാല്‍ മാസപ്പിറവി ദൃശ്യമായില്ല. അതിനാല്‍ റമദാന്‍ 30 പൂര്‍ത്തിയാക്കി വിശ്വാസി സമൂഹം ബുധനാഴ്ച ചെറിയ പെരുന്നാള്‍ ആഘോഷിക്കും. പാണക്കാട് ഹൈദരലി ശിഹാബ് തങ്ങള്‍, സമസ്ത കേരള ജംഇയ്യത്തുള്‍ ഉലമ സെക്രട്ടറി കെ ആലിക്കുട്ടി മുസലിയാര്‍, കോഴിക്കോട് വലിയ ഖാസി, പാളയം ഇമാം എന്നിവരാണ് ഇക്കാര്യം അറിയിച്ചത്.

മാസപ്പിറവി ദൃശ്യമായതായി വിശ്വാസ യോഗ്യമായ വിവരങ്ങള്‍ ലഭ്യമാവാത്തതിനാല്‍ ചെറിയപെരുന്നാള്‍ ബുധനാഴ്ചയായിരിക്കുമെന്ന് ഖാസിമാ‍ർ പറഞ്ഞു. ശവ്വാല്‍ മാസപ്പിറവി ദൃശ്യമായില്ലെങ്കില്‍ മുപ്പത് ദിവസം പിന്നിടുമ്പോഴാണ് ചെറിയ പെരുന്നാള്‍ ആഘോഷിക്കുന്നത്.