കൃതജ്ഞതാ ബലിക്കിടെ പൊട്ടിക്കരഞ്ഞ് ഫാ. ടോം ഉഴുന്നാലിൽ

ന്യൂഡൽഹി: സ്വന്തം രാജ്യത്തെത്തി ദൈവത്തിന് കൃതജ്ഞതാ ബലി അർപ്പിക്കാൻ ബലിപീഠത്തിന് മുൻപിലെത്തിയ ഫാ. ടോം ഉഴുന്നാലിൽ അൾത്താരയിൽ പൊട്ടിക്കരഞ്ഞു. യെമനിൽ ഭീകരരുടെ തടവിൽ കഴിഞ്ഞശേഷം മോചിതനായി ഡൽഹിയിൽ മടങ്ങിയെത്തിയ ഫാ. ടോം രാവിലെ പ്രധാനമന്ത്രിയും വിദേശകാര്യ മന്ത്രിയേയും കണ്ട ശേഷം വൈകീട്ട് സേക്രട്ട് ഹാർട്ട് കത്തീഡ്രൽ ദേവാലയത്തിൽ കൃത‍ജ്ഞതാബലി അർപ്പിക്കാനെത്തുകയായിരുന്നു. കുറച്ച് നേരത്തെ കരച്ചിലിന് ശേഷം ബലിപീഠത്തിൽ ചുംബിച്ച് ദിവ്യബലി അർപ്പിച്ചു. ബലി അർപ്പണത്തിനിടെയും കണ്ഠം ഇടറി. ഇനിയുള്ള ജീവിതം ദൈവത്തിനായി പൂർണ്ണമായി സമർപ്പിക്കുന്നെന്നും നന്ദി പ്രസംഗത്തിൽ അദ്ദേഹം വ്യക്തമാക്കി. ഞായറാഴ്ച അദ്ദേഹം കേരളത്തിലെത്തും.

fr. tom uzhunnalil cries

fr. tom uzhunnalil cries before holy mass.