കിടപ്പുമുറിയിലെ കട്ടിലിൻ്റെ സ്ഥാനം

ഒരു ഗൃഹം രൂപകൽപ്പന ചെയ്യുമ്പോള്‍ ഏറ്റവും ശ്രദ്ധിക്കേണ്ട ഒന്നാണ് വാസ്തുശാസ്ത്രം. ഗൃഹത്തിലെ ഓരോ മുറികളും വാസ്തുശാസ്ത്ര വിധിപ്രകാരം വ്യത്യാസപ്പെട്ടിരിക്കുന്നു. ഒരു ഗൃഹത്തിൻ്റെ വളരെ പ്രധാനപ്പെട്ട സ്ഥാനമാണ് കിടപ്പുമുറി. ഈ മുറിയുടെ സ്ഥാനവും ദാമ്പത്യസുഖവും വളരെ ബന്ധപ്പെട്ടിരിക്കുന്നു.

കിടപ്പുമുറിയിൽ വളരെ പ്രധാന്യമേറിയതാണ് കട്ടിൽ. ഒരു മുറിയുടെ ഏതെങ്കിലും ഒരു കോണിൽ കട്ടിൽ ഇടണമെന്ന് വാസ്തുശാസ്ത്രം പറയുന്നില്ല. എന്നാൽ കിടക്കുമ്പോള്‍ തല ഏത് ദിശയിലേക്കാണ് വയ്‍ക്കേണ്ടതെന്ന് വാസ്തുശാസ്ത്രം നിര്‍ദ്ദേശിക്കുന്നു.

വാസ്തുശാസ്ത്ര വിധിപ്രകാരം വളരെ പ്രധാനപ്പെട്ടതാണ് ശയനദിശ. നമുക്കു ചുറ്റുമുള്ള കാന്തികപ്രവാഹത്തിൻ്റെ സ്വാധീനത്തെ അധികരിച്ചാണ് ശയനദിശ ചിട്ടപ്പെടുത്തിയിരിക്കുന്നത്. കിഴക്ക്, തെക്ക് എന്നി രണ്ട് ദിശകളിലേക്ക് തല വയ്ക്കുന്നതാണ് ഉത്തമമെന്ന് ശാസ്ത്രം ചൂണ്ടിക്കാട്ടുന്നു.
മരണസമയത്ത് മാത്രമല്ലേ തെക്കോട്ട് തലവയ്ക്കുന്നതെന്ന സംശയം തെറ്റാണ്.

രാവിലെ വലത്തോട്ട് തിരിഞ്ഞ് എഴുന്നേറ്റ് ഇരുന്നാൽ നമ്മുടെ മുഖം സൂര്യന് അഭിമുഖമായി കിഴക്കോട്ട് ആയി വരണം. അല്ലെങ്കിൽ വലത്തോട്ട് തിരിഞ്ഞ് എഴുന്നേറ്റ് ഇരുന്നാൽ നമ്മുടെ മുഖ്യം സൂര്യൻ്റെ പ്രതിബിംബങ്ങളായ സപ്തര്‍ശികള്‍ ഉദിക്കുന്ന ദിക്കിലേക്ക് (വടക്ക്) മുഖം അഭിമുഖമാകണം. രാവിലെ എഴുന്നേൽക്കുമ്പോള്‍ ഈ രണ്ട് ദിശയും അഭിമുഖമാകുന്നതിൽ പ്രശ്നങ്ങളില്ല. ഇതു ചൂണ്ടിക്കാട്ടിയാണ് കിഴക്കോട്ടും വടക്കോട്ടും തലവച്ചുകിടക്കാൻ ശാസ്ത്രം നിര്‍ദ്ദേശിക്കുന്നത്.

തെക്ക് കിഴക്ക് ദിക്കുകൾ ശയനത്തിനായി തെരഞ്ഞെടുക്കുന്നവര്‍ക്ക് മനസിനും ശരീരത്തിനും ദോഷകരമായ കാന്തികക്ഷതങ്ങള്‍ ഉണ്ടാകുകയില്ല. എന്നാൽ വടക്കോട്ട് തലവച്ചുറങ്ങിയാൽ നമ്മുടെ ശരീരത്തിലെ കാന്തികബലരേഖഭൂമിയിലെ കാന്തികബലരേഖയ്ക്ക് സമാന്തരമാകും. ഇത് വികര്‍ഷണ സ്വഭാവമാണ് പ്രകടിപ്പിക്കുക.