ശബരിമല യാത്ര ഒഴിവാക്കണമെന്ന് മുന്നറിയിപ്പ്

കൊച്ചി : ഓണം നാളുകളിൽ ശബരിമല യാത്ര ഒഴിവാക്കണമെന്ന് ഹൈക്കോടതി. ശബരിമലയിലെ നിലവിലത്തെ സ്ഥിതി ചൂണ്ടിക്കാട്ടി സ്പെഷന്‍ കമ്മീഷണര്‍ സമര്‍പ്പിച്ച റിപ്പോര്‍ട്ട് പരിഗണിച്ചാണ് ഹൈക്കോടതി ഉത്തരവ്. പ്രളയം മൂലം പമ്പയിലെ സ്ഥിതി ഗുരുതരമെന്നാണ് റിപ്പോര്‍ട്ട്.

തീര്‍ഥാടകര്‍ ഓണനാളുകളില്‍ ശബരിമല സന്ദര്‍ശിക്കുന്നത് കനത്ത സുരക്ഷ ഭീഷണി സൃഷ്ടിക്കുമെന്നും സ്പെഷല്‍ കമ്മീഷണര്‍ ഹൈക്കോടതിയെ അറിയിച്ചു. പ്രളയത്തെ മൂലമുണ്ടായ ഭക്ഷ്യക്ഷാമത്തെ തുടര്‍ന്ന് ശബരിമലയില്‍ പൂജാക്രമങ്ങള്‍ ചുരുക്കിയിരുന്നു. നേരത്തെ ശബരിമലയിലേക്കുള്ല പ്രവേശനം ദേവസ്വം ബോര്‍ഡും വിലക്കിയിരുന്നു. കനത്ത മഴയില്‍ പമ്പ അച്ചന്‍കോവില്‍ നദികള്‍ കരകവിഞ്ഞതോടെ ശബരിമല പൂര്‍ണമായും ഒറ്റപ്പെട്ടിരുന്നു.