വിളക്ക് വെയ്ക്കുമ്പോൾ ശ്രദ്ധിക്കേണ്ട കാര്യങ്ങൾ

പൂജാ മുറി വൃത്തിയാക്കി ചാണകവെള്ളം കൊണ്ടോ തുളസി വെള്ളം കൊണ്ടോ തളിച്ച് ശുദ്ധിയാക്കിയിട്ടു വേണം വിളക്കു വയ്ക്കാൻ.

തളികയിലോ വാഴയിലയിലോ പട്ടുതുണിയിലോ നിലവിളക്ക് വയ്ക്കാം. വിളക്ക് കത്തിക്കാൻ എള്ളെണ്ണയോ നെയ്യോ മാത്രമേ ഉപയോഗിക്കാവൂ.

കിഴക്കോട്ടും പടിഞ്ഞറോട്ടും ഓരോ തിരികൾ വച്ചു കത്തിക്കാം. ഇത് കൂടാതെ വടക്ക്, തെക്ക്, വടക്ക് കിഴക്ക് മൂല എന്നിങ്ങനെ അഞ്ച് തിരിയിട്ടും കത്തിക്കാം.

"ഓം ശ്രീം ലക്ഷ്മിപ്രിയായ വിഷ്ണു മൂ‍ർത്തയേ ശ്രീം നമ: " മന്ത്രം ജപിച്ചുകൊണ്ട് വിളക്ക് കൊളുത്തുന്നത് ഉത്തമം.

പൂജാ പൂക്കൾ പറിക്കുമ്പോഴും തുളസി കതി‍ർ നുള്ളുമ്പോഴും മന്ത്രങ്ങൾ ചൊല്ലുന്നത് കേരളീയ ആചാര പ്രകാരം ശരിയല്ല. എന്നാൽ മന്ത്രങ്ങള്‍ ചൊല്ലുമ്പോൾ പറിക്കുന്ന പൂക്കൾ നി‍ർമ്മാല്യമായി മാറുന്നു എന്നാണ് സങ്കൽപ്പം.