തി​രു​വ​ത്താ​ഴ സ്മ​ര​ണ​യി​ൽ പള്ളികളിൽ പെസഹാ ആചരണം

തിരുവത്താഴ സ്മരണയിൽ ലോകമെങ്ങും ക്രൈസ്തവർ ഇന്ന് പെ​സ​ഹാ ആചരിക്കുന്നു. പീഡാനുഭവത്തിന് മുന്നോടിയായി ക്രിസ്തു ശിഷ്യരുടെ പാദങ്ങൾ കഴുകിയതിന്‍റെയും അന്ത്യ അത്താഴവേളയിൽ വിശുദ്ധ കുർബാന സ്ഥാപിച്ചതിന്‍റെയും ഓർമപുതുക്കലാണ് പെ​സ​ഹാ.

ഇതിനോട് അനുബന്ധിച്ച് ദേവാലയങ്ങളിൽ ദിവ്യബലി, കാൽകഴുകൽ ശുശ്രൂഷ, ദിവ്യകാരുണ്യ ആരാധന എന്നിവയുണ്ടാകും. വൈദികർ പ്രത്യേക പ്രാർഥനാ ശുശ്രൂഷകൾക്കിടെ 12 പേരുടെ പാദങ്ങൾ കഴുകി ചുംബിച്ച് എളിമയുടെ അടയാളമായി ക്രിസ്തു നടത്തിയ പാദക്ഷാളനത്തെ അനുസ്മരിക്കും.

വൈകുന്നേരംവരെ ദേവാലയങ്ങളിൽ ആരാധനയും പീഢാനുഭവ അനുസ്മരണത്തിന് ഒരുക്കമായുള്ള പ്രാർഥനകളും നടത്തും. പെ​സ​ഹാ ആചരണത്തെ അനുസ്മരിച്ച് ഇന്നു വൈകുന്നേരം ക്രൈസ്തവ ഭവനങ്ങളിൽ പെ​സ​ഹാ ഭക്ഷണം അഥവാ കുരിശപ്പം തയാക്കി മുറിച്ച് പങ്കുവയ്ക്കും. നാളെ ദേവാലയങ്ങളിൽ ദുഃഖവെള്ളി തിരുകർമങ്ങളും പീഡാനുഭവ വായനയും കുരിശിന്‍റെ വഴി പ്രാർഥനകളും നടത്തും.

Maundy Thursday Customs and Traditions
Maundy Thursday feet washing rituals.