മദറിൻെറ വിശുദ്ധപദവി: ഇന്ത്യന്‍ സംഘത്തെ സുഷമ നയിക്കും

ന്യൂഡല്‍ഹി: മദര്‍ തെരേസയുടെ വിശുദ്ധപദ പ്രഖ്യാപനത്തില്‍ പങ്കെടുക്കുന്ന ഇന്ത്യന്‍ സംഘത്തെ വിദേശകാര്യമന്ത്രി സുഷമ സ്വരാജ് നയിക്കും. 17 അംഗ സംഘമാണ് ഇന്ത്യയെ പ്രതിനിധീകരിക്കുന്നത്.കേരളത്തില്‍ നിന്നും മന്ത്രിമാരായ തോമസ് ഐസക്, മാത്യൂ ടി. തോമസ്, എംപിമാരായ ജോസ് കെ. മാണി, ആന്റോ ആന്റണി, ഫ്ര. കെ.വി.തോമസ് എന്നിവരും സംഘത്തിലുണ്ടാകും.

പശ്ചിമ ബംഗാള്‍ മുഖ്യമന്ത്രി മമത ബാനര്‍ജി, ഡല്‍ഹി മുഖ്യമന്ത്രി അരവിന്ദ് കേജരിവാള്‍, സുപ്രീം കോടതി ജഡ്ജി ജസ്റ്റീസ് കുര്യന്‍ ജോസഫ്, മുന്‍ സോളിസിറ്റരര്‍ ജനറല്‍ ഹരീഷ് സാല്‍വെ, അല്‍ഫോന്‍സ് കണ്ണന്താനം തുടങ്ങിയ പ്രമുഖരും സംഘത്തിലുണ്ട്. സെപ്റ്റംബര്‍ നാലിനാണ് മദര്‍ തെരേസയെ വിശുദ്ധയായി പ്രഖ്യാപിക്കുന്നത്