ഫാ ജോസഫ് സ്രാമ്പിക്കല്‍ ബ്രിട്ടനിലെ പ്രഥമ ബിഷപ്

കൊച്ചി: സിറോ മലബാര്‍ സഭയ്ക്കു ബ്രിട്ടണ്‍ രൂപതയുടെ പുതിയ മെത്രാനായി പാലാ രൂപതാംഗം ഫാ. ജോസഫ് സ്രാമ്പിക്കലിനെ നിയമിച്ചു. യൂറോപ്യന്‍ രാജ്യങ്ങളിലേക്കുള്ള അപ്പസ്തോലിക് വിസിറ്റേറ്ററായി ഇരിങ്ങാലക്കുട രൂപതാഗം മോണ്‍. സ്റ്റീഫന്‍ ചിറപ്പണത്തിനെയും നിയമിച്ചു. സിറോ മലബാര്‍ സഭയ്ക്കു ബ്രിട്ടണ്‍ ആസ്ഥാനമായുള്ള പുതിയ രൂപതയാണ്.

മാര്‍പ്പാപ്പയുടെ നിയമന ഉത്തരവു വത്തിക്കാനിലും സിറോ മലബാര്‍ സഭാ ആസ്ഥാനമായ കാക്കനാട് മൗണ്ട് സെന്റ്തോമസിലും, പ്രസ്റ്റണിലെ സെന്റ് അല്‍ഫോന്‍സാ കത്തീഡ്രലിലും ഒരേ സമയം വായിച്ചു. നിയുക്ത ബിഷപ്പുമാരെ സിറോ മലബാര്‍ സഭാ മേജര്‍ ആര്‍ച്ച്‌ ബിഷപ്പ് കര്‍ദ്ദിനാള്‍ മാര്‍ ജോര്‍ജ് ആലഞ്ചേരി സ്ഥാന ചിഹ്നങ്ങള്‍ അണിയിച്ചു. ഉരുളികുന്നം ഇടവകാംഗമായ ഫാ. ജോസഫ് സ്രാമ്പിക്കല്‍ പരേതനായ മാത്യുവിന്റെയും ഏലിക്കുട്ടിയുടെയും മകനാണ്.