ഗര്‍ഭച്ഛിദ്രം ഇനി കുമ്പസാരത്തിലൂടെ മോചിക്കപ്പെടുന്ന പാപം

കുമ്പസാരത്തിലൂടെ മോചിക്കപ്പെടുന്ന പാപങ്ങളില്‍ ഇനി മുതല്‍ ഗര്‍ഭച്ഛിദ്രവും ഉൾപ്പെടും. കുമ്പസാരത്തില്‍ പൊറുക്കപ്പെടുന്ന പാപങ്ങളുടെ കൂട്ടത്തിൽ ഗര്‍ഭച്ഛിദ്രം ഉള്‍പ്പെടുത്താനുള്ള താല്‍കാലിക അനുമതി കഴിഞ്ഞ വര്‍ഷം മാര്‍പ്പാപ്പ നല്‍കിയിരുന്നു. ഇത് ഇപ്പോള്‍ സ്ഥിരപ്പെടുത്തിയതായി ഫ്രാന്‍സിസ് മാര്‍പാപ്പ കല്‍പന പുറപ്പെടുവിച്ചു.

എന്നാല്‍ കളങ്കമില്ലാത്ത ഒരു ജീവന്‍ അവസാനിപ്പിക്കുന്ന മഹാപാപത്തില്‍ നിന്നും മാറി നില്‍ക്കണമെന്നും അദ്ദേഹം ആവര്‍ത്തിച്ചു. ദൈവത്തില്‍ വിശ്വസിക്കുന്ന ഒരു മനസ്സുണ്ടായാല്‍ ഏത് പാപവും തുടച്ച്‌ നീക്കാന്‍ ദൈവത്തിന്റെ കാരുണ്യത്തിന് കഴിയുമെന്നും അദ്ദേഹം കൂട്ടിച്ചേര്‍ത്തു.