ഫ്രാന്‍സിസ് മാര്‍പാപ്പ പോളണ്ടിലെ നാസി തടവറകള്‍ സന്ദര്‍ശിച്ചു

ക്രാക്കോവ്: ഫ്രാന്‍സിസ് മാര്‍പാപ്പ ഓഷ്‌വിറ്റ്‌സ്, ബിര്‍ക്കെനാവു തടങ്കല്‍പാളയങ്ങള്‍ സന്ദര്‍ശിച്ചു. രണ്ടാം ലോകമഹായുദ്ധകാലത്ത് ഹിറ്റ്‌ലറുടെ നാസിപ്പട ജൂതരെയും മറ്റു യുദ്ധതടവുകാരെയും പീഡിപ്പിക്കുന്നതിനായി ഉപയോഗിച്ചിരുന്ന തടവറകളാണ് ഇത്. 31മത് ലോകയുവജനസംഗമത്തില്‍ പങ്കെടുക്കാന്‍ അഞ്ചുദിന സന്ദര്‍ശനത്തിനായി പോളണ്ടിലെത്തിയപ്പോഴായിരുന്നു മാര്‍പാപ്പ സന്ദര്‍ശനം നടത്തിയത്.

ഈ തടവറകളില്‍ 10 ലക്ഷത്തോളം തടവുകാരെയാണ് ഹിറ്റ്‌ലര്‍ കൂട്ടക്കുരുതി നടത്തിയത്. ഇത്തരം ക്യാമ്പുകളില്‍നിന്ന് രക്ഷപെട്ടു പുറത്തുവന്ന ജൂതര്‍, നാസിപ്പടയുടെ കണ്ണില്‍പ്പെടാതെ ഒളിച്ചു ജീവിച്ച പോളിഷ് പൗരന്മാര്‍ എന്നിവരുമായി മാര്‍പാപ്പ കൂടിക്കാഴ്ച നടത്തി.