സെക്സിന് പണം നല്‍കുന്നത് അടിമത്തമാണ്: മാര്‍പാപ്പ

ലൈംഗിക തൊഴില്‍ പ്രോത്സാഹിപ്പിക്കുന്നത് വിമര്‍ശിച്ച് പോപ് ഫ്രാന്‍സിസ്. വത്തിക്കാനില്‍ നടത്തിയ പ്രസംഗത്തിലാണ് മാര്‍പാപ്പയുടെ വിമര്‍ശനം. വത്തിക്കാനിലേക്ക് ക്ഷണിച്ച യുവാക്കളുടെ ഒരു പ്രത്യേക സംഘത്തോടാണ് മാര്‍പാപ്പ സംസാരിച്ചത്.

കത്തോലിക്ക സഭയുടെ ഈ വര്‍ഷത്തെ പ്രധാനപ്പെട്ട പ്രമേയങ്ങളില്‍ ഒന്ന് യുവാക്കളുടെ വിശ്വാസമാണ്. പ്രസംഗത്തിന് ശേഷം ഭയപ്പെടാതെ തന്നോട് ചോദ്യങ്ങള്‍ ചോദിക്കാനും മാര്‍പാപ്പ ആവശ്യപ്പെട്ടു.

നൈജീരയില്‍ നിന്ന് റോമിലെത്തിയ ഒരു അഭയാര്‍ഥിയാണ് ലൈംഗിക തൊഴിലാളികളെ തേടുന്ന കത്തോലിക്ക വിശ്വാസികളെക്കുറിച്ച് ചോദിച്ചത്.

പോപ് ഫ്രാന്‍സിസ് നല്‍കിയ ഉത്തരം;

"ഇത് ചെയ്യുന്നവര്‍ കുറ്റവാളികളാണ്. ഇത് പ്രണയമല്ല. ഇത് ഒരു സ്ത്രീയെ ഉപദ്രവിക്കുന്നതാണ്. പ്രണയവും പീഡനവും തമ്മില്‍ മാറിപ്പോകരുത്. ഇത് കുറ്റകരമാണ്"