യുവാക്കൾ നിശബ്ദരായിരിക്കരുതെന്ന് പോപ്പ് ഫ്രാന്‍സിസ്

വത്തിക്കാന്‍: യുവാക്കള്‍ മൗനം വെടിയണമെന്നും നിശബ്ദരാക്കപ്പെടുവാന്‍ അനുവദിക്കരുതെന്നും പോപ്പ് ഫ്രാന്‍സിസ്. യുവാക്കളെ നിശബ്ദരാക്കാനുള്ള പ്രവണത എല്ലാ കാലത്തും ഉണ്ടായിരുന്നതായും പോപ്പ് പറഞ്ഞു. ഉറച്ച വിശ്വാസമുള്ള കാര്യങ്ങള്‍ക്കുവേണ്ടി ഉണര്‍ന്ന് പ്രവര്‍ത്തിക്കണമെന്നും ഓശാന ഞായറാഴ്ചയുടെ ഭാഗമായി സെന്റ് പീറ്റേഴ്‌സ് സ്‌ക്വയറില്‍ നടന്ന കുര്‍ബാനയില്‍ പോപ്പ് യുവാക്കളോട് ആഹ്വാനം നടത്തി.

തോക്കുകള്‍ക്കു മേല്‍ കര്‍ശന നിയന്ത്രണം ആവശ്യപ്പെട്ട് അമേരിക്കയില്‍ വിദ്യാര്‍ത്ഥികളുടെ നേതൃത്വത്തില്‍ നടന്ന ദശലക്ഷണക്കിനാളുകളുടെ പ്രകടനം കഴിഞ്ഞ ഒരു ദിവസത്തിനുശേഷമാണ് പോപ്പ് യുവാക്കളോട് ലോക യുവത്വ ദിനമായ ഇന്ന് സുപ്രധാന ആഹ്വാനം നടത്തിയിരിക്കുന്നത്.