ചരിത്രം കുറിച്ച് ശബരിമല നിറപുത്തരി

സമൃദ്ധിയുടെ എെശ്വര്യ കാഴ്ചകളുമായി ശബരിമല നിറപുത്തരി. പൂജിക്കുന്നതിനുള്ള നെല്‍ക്കതിരുകള്‍ അച്ചന്‍കോവില്‍ ക്ഷേത്രത്തില്‍ നിന്നു ഘോഷയാത്രയായി പമ്പയില്‍ എത്തിച്ച ശേഷം ദേവസ്വം ബോര്‍ഡ് പ്രസിഡന്‍റ് പ്രയാര്‍ ഗോപാലകൃഷ്ണനും ഭക്തരും ശിരസിലേറ്റി സന്നിധാനത്തേക്കു നീങ്ങി. ശബരിമലയുടെ ചരിത്രത്തില്‍ ആദ്യമായാണ് നെല്‍ക്കതിരുകള്‍ ദേവസ്വം ബോര്‍ഡ് ഘോഷയാത്രയായി കൊണ്ടുവരുന്നത്.

കവടിയാർ കൊട്ടാരത്തിൽ നിന്നു കുറിച്ചു നൽകിയ മുഹൂർത്തം അനുസരിച്ച് ഇന്ന് പുലർച്ചെ 5.45നും 6.15നും മധ്യേയാണ് നിറപുത്തരി. പാലക്കാട് ജില്ലയിലെ കൊല്ലങ്കോട് നെന്മേനി പാടശേഖരത്തിൽ നിന്ന് അയ്യപ്പ സേവാസംഘം പ്രവർത്തകരും ആഘോഷമായി നെൽക്കതിരുകൾ എത്തിച്ചു.കളഭാഭിഷേകം, ഉദയാസ്തമനപൂജ, പടിപൂജ എന്നിവ വിശേഷാൽ വഴിപാടായി ഉണ്ട്. പൂജകൾ പൂർത്തിയാക്കി രാത്രി 10ന് നടയടക്കും.