കലാലയങ്ങൾ സരസ്വതി ക്ഷേത്രമാകുന്നത് എങ്ങനെ?

'സരസ്വതി നമസ്തുഭ്യം വരദേ കാമരൂപിണി
വിദ്യാരംഭം കരിഷ്യാമി സിദ്ധിര്‍ഭവതുമേ സദാ'

വിജയദശമിയിൽ സരസ്വതി ക്ഷേത്രങ്ങളിൽ എഴുത്തിനിരുത്തുന്നത് പുണ്യമായാണ് നമ്മൾ കാണുന്നത്. വിദ്യയുടെ ആവിര്‍ഭാവത്തോടെ അജ്ഞാനത്തിന്റെ ഇരുളകന്നു എന്നതാണ് സരസ്വതീ ദേവീ സങ്കൽപ്പം. സരസ്വതിദേവിയെ അറിവിന്റെ പഠനത്തിന്റെ ദേവതയായിട്ടാണ് കാണുന്നത്. സരസ്വതി എന്ന വാക്കിൻെറ അ‍ർത്ഥം ഇങ്ങനെയാണ് .

സര -സാരം,തത്ത്വം ,
സ്വ -സ്വയം
തി -ധി എന്നാൽ ബുദ്ധി
ക്ഷേത്രം -പരിപോഷിപ്പിക്കുന്ന ഇടം
സ്വയം ബുദ്ധിയെ പരിപോഷിപ്പിക്കാൻ ഉള്ള ഇടം.നമ്മുടെ ബുദ്ധിയെ അറിവിനെ പരിപോഷിപ്പിക്കുകയാണ് നാം വിദ്യാലയങ്ങളിൽ ചെയ്യുന്നത്. വിദ്യാ, കല എന്നിവയൊക്കെ സരസ്വതിയുടെ പര്യായ പദം കൂടിയാണ്.

അതിനാൽ കലാലയങ്ങളെ സരസ്വതി ക്ഷേത്രം എന്നു വിളിക്കുന്നതിൽ യാതൊരു തെറ്റുമില്ല . അറിവിനെ പരിപോഷിപ്പിക്കാൻ വേണ്ട ചര്യകൾ വേണം നാം വിദ്യാലയങ്ങളിൽ ചെയ്യേണ്ടത് .