ആദിരാമായണം എന്നൊരു രാമായണമുണ്ട്!!!

ആദിരാമായണം എന്നൊരു രാമായണമുണ്ട്. രചയിതാവ് സാക്ഷാൽ ബ്രഹ്മാവ് തന്നെ. നൂറുകോടി ശ്ലോകങ്ങളുള്ള ആ രാമയണം തന്റെ മാനസപുത്രനായ നാരദനു ഉപദേശിച്ചു കൊടുത്തു.നാരദൻ അത് മഹർഷി വാല്മീകിക്കു പറഞ്ഞു കൊടുത്തു.

അങ്ങനെയാണ് രാമായണത്തിനു പ്രതിഷ്ഠ ലഭിക്കുന്നത്. വാമൊഴിയായി ലഭിച്ച രാമകഥയെ വാല്മീകി മഹർഷി വരമൊഴിയിലാക്കി ലോകത്തിനു നൽകി- ഇരുപത്തിനാലായിരം ശ്ലോകങ്ങളിൽ. വാമൊഴി രാമായണം അങ്ങനെ വരമൊഴി രാമായണമായി. ബ്രഹ്മവിൽ നിന്ന് അനുഗ്രഹം നേടിയാണ് വാല്മീകി രാമായണ രചന നിർവഹിച്ചത്.

രാമായണത്തിന്റെ സാരം മുഴുവനടങ്ങുന്ന വിശിഷ്ട മന്ത്രമാണ് രാമ നാമം. കൂടാതെ അദ്ധ്യാത്മരാമായണത്തിനും വാല്മീകിരാമായണത്തിനും മുമ്പുതന്നെ രാമായണം ഉണ്ടായിരുന്നതായി സൂചനകളുണ്ട്.

ശ്രീ രാമായണം പുരാ വിരിഞ്ച വിരചിതം നൂറുകോടി ഗ്രന്ഥമുണ്ടില്ലതു ഭൂമി തന്നില്‍ എന്ന് എഴുത്തച്ഛന്‍ ആദ്യം സൂചിപ്പിക്കുന്നു. ഉമാമഹേശ്വര സംവാദത്തില്‍ പാര്‍വതിയോട്

വേധാവു ശതകോടിഗ്രന്ഥവിസ്താരം പുരാ വേദസമ്മിതമിതരുള്‍ ചെയ്തിതു രാമായണം എന്നും പറയുന്നുണ്ട്. ഇതില്‍നിന്നും ആദിരാമായണം ബ്രഹ്മാവു രചിച്ചതാണെന്നു വ്യക്തമാകുന്നു.