വ്രതമെടുത്ത് മല ചവിട്ടുമെന്ന് തൃപ്തി ദേശായി

മുംബൈ: വ്രതമെടുത്ത് മല ചവിട്ടുമെന്ന് തൃപ്തി ദേശായി. ഈ മാസം അവസാനം ശബരിമല സന്ദര്‍ശിക്കാന്‍ ആഗ്രഹിക്കുന്ന സ്ത്രീകളെ കേരളത്തില്‍ വിളിച്ചു ചേര്‍ക്കുമെന്ന് ഭൂമാതാ ബ്രിഗേഡ് നേതാവ് തൃപതി ദേശായി പറഞ്ഞു. മുംബൈയിലെ ഹാജി അലി ദര്‍ഗയില്‍ സ്ത്രീ പ്രവേശനം നടത്തിയ അവര്‍ ദര്‍ശന ശേഷം സംസാരിക്കുകയായിരുന്നു.

അടുത്ത ലക്ഷ്യം ശബരിമലയാണെന്നും അവര്‍ പറഞ്ഞു. ആര്‍ത്തവം സ്ത്രീ വിശുദ്ധിയുടെ അളവ് കോല്‍ അല്ലെന്നാണ് കരുതുന്നതെന്നും അവര്‍ വ്യക്തമാക്കി. കഠിനമായ വ്രതമെടുത്തു തന്നെയാകും ക്ഷേത്ര ദര്‍ശനം നടത്തുകയെന്നും അവര്‍ വ്യക്തമാക്കി. ഇതിനെതിരെ ഉയരുന്ന ഭീഷണികളെ വകവയ്ക്കുന്നില്ലെന്നും സര്‍ക്കാര്‍ സുരക്ഷ ഉറപ്പ് വരുത്തുമെന്നാണ് കരുതുന്നതെന്നും അവര്‍ പറഞ്ഞു.


English Summary: Trupti Desai will visit Sabarimala Temple in Jan