വൈക്കത്തപ്പനെ കാണാൻ വന്‍ ഭക്തജനത്തിരക്ക്

വൈക്കം: വൈക്കത്തപ്പനെ കാണാൻ വൻ ജനത്തിരക്ക്. ഉഷപൂജയ്ക്കും എതൃത്ത പൂജയ്ക്കും ശേഷം അഷ്ടമി ദര്‍ശനത്തിനും വന്‍ഭക്തജനത്തിരക്ക് അനുഭവപ്പെട്ടു.

ക്ഷേത്രത്തിന്റെ കിഴക്കു വശത്തുള്ള ആല്‍ച്ചുവട്ടില്‍ തപസ് അനുഷ്ഠിച്ച വ്യാഘ്രപാദ മഹര്‍ഷിക്കു ശ്രീപരമേശ്വരന്‍, പാര്‍വ്വതി സമേതനായി ദര്‍ശനം നല്‍കിയ കാര്‍ത്തിക മാസത്തിലെ കൃഷ്ണാഷ്ടമി മുഹൂര്‍ത്തത്തിലാണ് അഷ്ടമിദര്‍ശനം. അന്നദാന പ്രഭുവിന്റെ സന്നിധിയിലെ പ്രാതല്‍ വഴിപാടിലും ആയിരക്കണക്കിന് ഭക്തര്‍ പങ്കെടുത്തു.