മഹാ സംഗമമായ കുംഭ മേളയുടെ ഐതിഹ്യം

പണ്ട് ദേവൻമാരും അസുരന്മാരും ചേർന്ന് പാലാഴി കടഞ്ഞു. അമൃത് ലഭിച്ചപ്പോൾ അത് സ്വന്തമാക്കാനായി ദേവാസുരന്മാര് യുദ്ധത്തിൽ ഏർപ്പെട്ടു. 12-ദിവസം നീണ്ടു നിന്ന യുദ്ധത്തിനിടയിൽ നടന്ന പിടിവലിയിൽ അമൃത് നിറഞ്ഞ കുടം തുളുമ്പി നാല് സ്ഥലങ്ങളിലായി നാല് പ്രാവശ്യം വീണു എന്ന് ഐതിഹ്യം.

മഹാരാഷ്ട്രയിലെ നാസിക് ,ഉത്തര് പ്രദേശിലെ പ്രയാഗ, ഹരിദ്വാര് മധ്യപ്രദേശിലെ .ഉജ്ജയിനി എന്നീ സ്ഥലങ്ങളിൽവീണു എന്നാണ് കരുതുന്നത്. മനുഷ്യന്റെ ഒരു വര്ഷം ദേവന്മാരുടെ ഒരു ദിവസം ആയതിനാൽ അവരുടെ പന്ത്രണ്ടു ദിവസം നമ്മുടെ പന്ത്രണ്ടു വ‍‍ർഷമാണ്. അതിനാൽ ഈ നാല് സ്ഥലത്ത് മൂന്നു വ‍ർഷം കൂടുമ്പോൾ കുംഭമേള നടക്കുന്നു. ഹരിദ്വാറിലും , പ്രയാഗയിലും ഗംഗാ തീരത്തും ,ഉജ്ജയിനിയിൽ ക്ഷിപ്രാ നദീ തീരത്തും ,നാസിക്കില് ഗോദാവരീ തീരത്തുമാണ് മേള നടക്കുന്നത്. അവസാനം അമൃത് വീണത് ഹരിദ്വാറിലാണ്.