സ്വർഗാവകാശിയായ ആ സ്ത്രീ ആരാണ്...?

പ്രവാചകൻ ഒരു സ്ത്രീക്ക് വേണ്ടി പ്രാർഥിച്ചാൽ ആ സ്ത്രീ സ്വർഗാവകാശിയാണ്.

പ്രവാചകന്‍റെ ദാസൻമാരിൽ ഒരാളായ ഇബ്നുഅബ്ബാസ്‌ മറ്റൊരു ദാസനായ അത്വാഅ് നോട് സ്വർഗാവകാശിയായ ഒരു സ്ത്രീയെ കാണിച്ചു തരട്ടെയോ എന്ന് ചോദിച്ചു. അത്വാഅ് അതെയെന്ന്‌ പറഞ്ഞു.

അപ്പോൾ ഇബ്നുഅബ്ബാസ്‌ ഒരു സ്ത്രീയെ കാണിച്ചിട്ട് പറഞ്ഞു, 'ഈ കറുത്ത സ്ത്രീയാണത്‌. പ്രവാചകന്‍റെ അടുക്കൽ വന്നിട്ട്‌ അവൾ പറഞ്ഞു. ഞാൻ ചിലപ്പോൾ അപസ്മാരമിളകി നിലത്തു വീഴും. എന്‍റെ വസ്ത്രം നീങ്ങി ശരീരം വെളിപ്പെടും. അവിടുന്ന്‌ എനിക്കുവേണ്ടി പ്രാർഥിച്ചാലും. '

പ്രവാചകൻ അവരോട് പറഞ്ഞു, 'നീ ക്ഷമ കൈക്കൊളളുന്ന പക്ഷം സ്വർഗം കരസ്ഥമാക്കാം. നിന്‍റെ രോഗശാന്തിക്കായി ഞാൻ അല്ലാഹുവിനോട്‌ പ്രാർഥിക്കുകയും ചെയ്യാം.'

അവൾ പറഞ്ഞു, 'ഞാൻ ക്ഷമ കൈകൊളളാം. പക്ഷെ, അബോധാവസ്ഥയിൽ എന്‍റെ നഗ്നത വെളിപ്പെട്ടുപോകുന്നു. അങ്ങിനെ സംഭവിക്കാതിരിക്കാൻ അങ്ങ് പ്രാർഥിച്ചാലും.'

അപ്പോൾ പ്രവാചകൻ അവൾക്ക്‌ വേണ്ടി പ്രാർഥിച്ചു. (ബുഖാരി. 7. 70. 555)