Good Days for Haircut Hindu: ചൊവ്വാഴ്ച്ച മുടിവെട്ടരുത്!

ഓർമ വെച്ച കാലം മുതല്‍ കേൾക്കുന്നതാണ് ചൊവ്വാഴ്ച്ച മുടി വെട്ടരുത് എന്ന്. നാട്ടിലുള്ള സാധാരണ ബാര്‍ബര്‍ ഷോപ്പുകളും ചൊവ്വാഴ്ച്ച അവധിയായിരിക്കുകയും ചെയ്യും. (ഇന്നത്തെ സലൂണുകളല്ല). എന്നാല്‍ ഇതിന് പിന്നിലെ കാരണമെന്താണെന്ന് ആലോചിച്ചിട്ടുണ്ടോ

മറ്റു പല വിശ്വാസങ്ങളേയും പോലെ ഈ വായ്‍മൊഴിക്ക് പിന്നിലും അതിന്‍റേതായ ശാസ്ത്രമുണ്ട്. അതില്‍ ചിലത് ഇതാ..

1. ദേവീപ്രീതി:

ദുര്‍ഗ, ലക്ഷ്മി എന്നീ ദേവിമാരുടെ ദിവസമായാണ് ചൊവ്വ കണക്കാക്കപ്പെടുന്നത്. ധനത്തിന്‍റേയും ഐശ്വര്യത്തിന്‍റേയും പ്രതീകങ്ങളായ ദേവിമാരുടെ പ്രത്യേക ദിനത്തില്‍ കയ്യില്‍ നിന്ന് പണമോ വസ്തുവകകളോ ഒന്നും കൊടുക്കുന്നത് ശുഭമല്ല എന്നാണ് വിശ്വാസം. അത് ലക്ഷ്മിയെ പറഞ്ഞുവിടുന്നതിന് തുല്യമത്രേ. മുടിവെട്ടലും ഒരു തരത്തില്‍ സമര്‍പ്പണം തന്നെയാണ്. അതിനാലാണ് ചൊവ്വാഴ്ച്ച മുടി വെട്ടരുത് എന്ന് പറയുന്നതിന് പിന്നിലെ ഒരു കാരണം.

2.ചൊവ്വാ ഗ്രഹത്തിന്‍റെ സ്വാധീനം:

ചൊവ്വാഴ്ച്ച ചൊവ്വ ഗ്രഹത്തിന്‍റെ സ്വാധീനം ഏറെയുണ്ടാകുന്ന ദിവസമാണ്. ചൊവ്വ മുഷ്യശരീരത്തിലെ രക്തചംക്രമണത്തെ സ്വാധീനിക്കാൻ കഴിവുള്ള ഗ്രഹമാണ്. അന്നേ ദിവസം തലയിലെ മുടി നീക്കം ചെയ്യുന്നത് രക്തധമനികൾ നേരിട്ട് അന്തരീക്ഷവുമായി സംവേദിക്കാൻ കാരണമാകും. അതിനാല്‍ത്തന്നെ ചൊവ്വാഴ്ച്ച മുടി മുറിക്കുന്നത് രക്തസംബന്ധമായ രോഗങ്ങൾ ഉണ്ടാകാൻ കാരണമാകും എന്നും വിശ്വസിക്കപ്പെടുന്നു. ചൊവ്വാഴ്ച്ച മുടിവെട്ടിയാല്‍ ആയുസ്സില്‍ നിന്ന് 8 മാസം കുറയും എന്ന് വിശ്വസിക്കുന്നവരുമുണ്ട്.

3. തൊഴില്‍ പരവും:

ഇതിന് തൊഴില്‍പരമായ ഒരു കാരണവും കൂടി ഉണ്ട്. മറ്റു തൊഴിലുകളെപ്പോലെ അല്ല, ശനിയും ഞായറുമാണ് കൂടുതല്‍ പേരും മുടിവെട്ടാനായി കടകളില്‍ ചെയ്യുന്നത്. ഒഴിവുദിവസങ്ങളിലെ തിരക്ക് തിങ്കളാഴ്ച്ചയിലേക്കും നീളും. അതിനാലാണ് ചൊവ്വാഴ്ച്ച അവധി ദിനമായി തെരഞ്ഞെടുക്കുന്നത്.

4. തിങ്കളും ബുധനും നന്ന്:

ചില വിശ്വാസപ്രകാരം തിങ്കളും ബുധനും മുടിവെട്ടാൻ നല്ല ദിവസങ്ങളായി കണക്കാക്കപ്പെടുന്നു. പുതിയ ഒരു തുടക്കത്തിനും മാറ്റങ്ങൾ കൊണ്ടുവരാനും നല്ല ദിവസമാണ് തിങ്കളും ബുധനുമെന്നാണ് വിശ്വാസം.