ചിരിയും മൗനവും ശൂന്യതയും നിറഞ്ഞ മതം

നിറയെ ചിരിയും മൗനവും നിറഞ്ഞ പരിശുദ്ധമായ ശൂന്യതകൊണ്ടു നിറഞ്ഞ ഒരു മതമാണ് ‘സെന്‍’ സെന്‍ ദൈവമില്ലാത്ത വേദഗ്രന്ഥങ്ങളില്ലാത്ത, ജാതിയില്ലാത്ത, സ്വര്‍ഗവും നരകവുമില്ലാത്ത, മന്ത്രങ്ങളും നാമജപങ്ങളുമില്ലാത്ത, ജനനവും മരണവുമില്ലാത്ത സെൻ നൽകുന്ന ചിന്തകൾ വിസ്മയിപ്പിക്കുന്നതാണ്. സരസവും അതേ സമയം ഏറെ ചിന്തിക്കാന്‍ വക നല്‍കുന്നതുമാണ് സെന്‍ കഥകള്‍.

ചില കഥകൾ

ഗാസനോട് ഒരു വിദ്യാര്‍ത്ഥി ചോദിച്ചു ‘ ലോകത്തിലെ ഏറ്റവും വിലയേറിയ വസ്തു എന്താണ് ?’
ഗാസന്‍ : ‘ ഒരു ചത്ത പൂച്ചയുടെ തല ‘

വിദ്യാര്‍ത്ഥി : ‘ എന്തുകൊണ്ടാണ് പൂച്ചയുടെ തല ലോകത്തിലെ ഏറ്റവും വിലയേറിയ വസ്തുവാകുന്നത്? ‘

ഗാസന്‍ : ‘എന്തുകൊണ്ടെന്നാല്‍ ഒരാള്‍ക്കും ഇതുവരെ അതിന്റെ വിലയിടാന്‍ കഴിഞ്ഞിട്ടില്ല.


ബോകുജു എന്ന സെന്‍ഗുരു പൂര്‍ണ്ണതയെപ്പറ്റി പറയുകയായിരുന്നു. ‘ എല്ലാം പൂര്‍ണ്ണമാണ്. അദ്ദേഹം പറഞ്ഞു.’

പെട്ടന്ന് കൂനനായ ഒരാള്‍ എഴുന്നേറ്റു ചോദിച്ചു ‘ ഞാനൊരു കൂനനാണ്, എന്നെപ്പറ്റി എന്തു പറയുന്നു? ‘
ബോകുജു പറഞ്ഞു ‘ ഇത്രയും പരിപൂര്‍ണ്ണനായ ഒരു കൂനനെ എന്റെ ജീവിതത്തില്‍ ഞാന്‍ ഇതുവരെ കണ്ടിട്ടില്ല.’