ഒഫീഷ്യൽ മോശമായി പെരുമാറി: പരാതിയുമായി അ‍ത‍്‍ലറ്റ്

ഗോൾഡ് കോസ്റ്റ്: ഓസ്ട്രേലിയയിൽ കോമൺവെൽത്ത് ഗെയിംസ് തുടങ്ങും മുമ്പ് തന്നെ വിവാദങ്ങൾ തുടങ്ങി. ടീം ഒഫീഷ്യൽ മൗറീഷ്യൻ അ‍ത‍്‍ലറ്റിനോട് മോശമായി പെരുമാറിയ സംഭവത്തിൽ പോലീസ് കേസെടുത്ത് അന്വേഷണം തുടങ്ങി. മോശമായ രീതിയിൽ ശരീരത്തിൽ സ്പർശിക്കുകയായിയരുന്നുവെന്നാണ് അ‍ത‍്‍ലറ്റിൻെറ പരാതി.

സംഭവവുമായി ബന്ധപ്പെട്ട് ആരോപണ വിധേയനായ ഒഫീഷ്യലിനെ സംഘത്തിൽ നിന്ന് പുറത്താക്കി. ക്രിമിനൽ കേസെടുത്താണ് പോലീസ് അന്വേഷണം തുടങ്ങിയിരിക്കുന്നത്. കുറ്റക്കാർക്കെതിരെ കർശന നടപടി ഉണ്ടാവുമെന്ന് അധികൃതർ വ്യക്തമാക്കി. ഏകദേശം 6600ഓളം കായിക താരങ്ങളാണ് കോമൺ വെൽത്ത് ഗെയിംസ് നടക്കുന്ന ഗോൾഡ് കോസ്റ്റ് ഗെയിംസ് വില്ലേജിൽ എത്തിച്ചേരുക.