ടേബിള്‍ ടെന്നീസില്‍ മാനിക ബത്രയ്ക്ക് ചരിത്ര സ്വര്‍ണം

കോമണ്‍വെല്‍ത്ത് ഗെയിംസ് ടേബിള്‍ ടെന്നീസില്‍ ചരിത്രം തിരുത്തിക്കുറിച്ച് ഇന്ത്യന്‍ താരം മാനിക ബത്ര. സിംഗപ്പൂരിന്‍റെ മെയ്‍ങ്യൂ യൂവിനെ 11-7, 11-6, 11-2, 11-7 എന്ന സ്കോറിന് നിലംപരിശാക്കി മാനിക സ്വര്‍ണ മെഡല്‍ നേടി. കോമണ്‍വെല്‍ത്ത് ചരിത്രത്തില്‍ ആദ്യമായാണ് ചൈനീസ് വംശജയല്ലാത്ത ഒരാള്‍ സ്വര്‍ണം നേടുന്നത്.

ഗോള്‍ഡ്‍ കോസ്റ്റില്‍ മാനിക നേടുന്ന മൂന്നാമത്തെ മെഡല്‍ ആണിത്. സെമി ഫൈനലില്‍ സിംഗപ്പൂര്‍ താരം ടിയന്‍വെയ്‍ ഫെങ്ങിനെതിരെ തോല്‍പ്പിച്ചാണ് മാനിക ഫൈനലിന് യോഗ്യത നേടിയത്. ടോപ് സീഡ് താരമായിരുന്നു ഫെങ്.