മെഡലില്ലെങ്കിലും ഈ നാലാം സ്ഥാനത്തിന് സ്വർണ്ണതിളക്കമാണ്

മലയാളക്കരയ്ക്കും ഇന്ത്യക്കും അഭിമാനമായി മുഹമ്മദ് അനസ്. കോമണ്‍വെല്‍ത്ത് ഗെയിംസില്‍ പുരുഷവിഭാഗം 400 മീറ്ററില്‍ മലയാളി താരം മുഹമ്മദ് അനസ് നാലാം സ്ഥാനം സ്വന്തമാക്കി. ആറ് പതിറ്റാണ്ടിന് ശേഷം ഇന്ത്യക്ക് വേണ്ടി കഴിഞ്ഞദിവസം അനസ് ഫൈനലില്‍ ഇടം നേടി അനസ് ചരിത്രം കുറിച്ചിരുന്നു. കോമണ്‍വെല്‍ത്ത് ഗെയിംസിൽ സ്വര്‍ണത്തിളക്കമുള്ള നാലാംസ്ഥാനമാണ് അനസ് നേടിയിരിക്കുന്നത്. നേരിയ വ്യത്യാസത്തിലാണ് അനസ് നാലാം സ്ഥാനത്തായത്. 45.31 സെക്കന്‍ഡിലാണ് അനസ് ഫിനിഷ് ചെയ്തത്

ഫൈനലില്‍ മികച്ച പ്രകടനം പുറത്തെടുത്തെങ്കിലും മെഡല്‍ നേടാനായില്ല. നേരിയ വ്യത്യാസത്തിലാണ് അനസ് നാലാം സ്ഥാനത്തായത്. 45.31 സെക്കന്‍ഡിലാണ് അനസ് ഫിനിഷ് ചെയ്തത്. ദേശീയ റെക്കോര്‍ഡ് തിരുത്തിക്കുറിക്കാനായി എന്നത് അനസിന്‍റെ നേട്ടത്തിന് സ്വര്‍ണതിളക്കം സമ്മാനിക്കുന്നുണ്ട്. ഐസക് മക്വാനയാണ് സ്വര്‍ണം നേടിയത്.

44.35 സെക്കന്‍ഡിലാണ് ബോട്സ്വാന താരം ഫിനിഷ് ചെയ്തത്. 45.09 സെക്കന്‍ഡില്‍ ഫിനിഷ് ചെയ്ത ബോട്സ്വാനയുടെ തന്നെ ബബൊലോക്കി തെബെയ്ക്ക് വെള്ളിയും ജമൈക്കയുടെ ജവോന്‍ ഫ്രാന്‍സിസ് വെങ്കലവും നേടി. 1958 കാര്‍ഡിഫില്‍ മില്‍ഖാ സിങ്ങാണ് ഇതിനു മുമ്പ് ഫൈനലിലെത്തിയത്. കൊല്ലം നിലമേല്‍ സ്വദേശിയാണ് അനസ്.