ലോകകപ്പിൽ ടീം സെമിയിലെത്തും; കാരണങ്ങൾ നിരത്തി ലങ്കൻ താരം

കാർഡിഫ്: ആദ്യ മത്സരത്തിൽ ദയനീയമായി പരാജയപ്പെട്ടിട്ടും ശ്രീലങ്ക സെമിയിലെത്താൻ സാധ്യതയുണ്ടെന്ന് ടീം അംഗം ജീവൻ മെൻഡിസ്. ഇത്തവണത്തെ ലോകകപ്പിലെ മത്സരക്രമം അതിന് തങ്ങളെ സഹായിക്കുമെന്നാണ് താരം പറയുന്നത്. എട്ട് മത്സരങ്ങളാണ് ഇനി ടീമിനുള്ളത്. ഇതിൽ അഞ്ച് മത്സരങ്ങൾ ജയിച്ച് ടീമിന് സെമിയിലെത്താനാവുമെന്ന് അദ്ദേഹം പ്രത്യാശ പ്രകടിപ്പിച്ചു.

ന്യൂസിലൻറിനെതിരായ ആദ്യമത്സരത്തിൽ ലങ്ക അതിദയനീയമായാണ് തോറ്റത്. പത്ത് വിക്കറ്റിനായിരുന്നു അവരുടെ പരാജയം. എന്നാൽ ടീം ലോകകപ്പിൽ തിരിച്ചുവരവ് നടത്തുമെന്ന കാര്യത്തിൽ മെൻഡിസിന് സംശയമില്ല.

"ഇത്തവണ ലോകകപ്പിൻെറ ഫോർമാറ്റ് മികച്ചതാണ്. ഇതിനാൽ തന്നെ ഞങ്ങൾക്ക് ഇനിയും സാധ്യതയുണ്ട്. സെമിയിൽ എത്താൻ സാധിക്കുമെന്നാണ് വിശ്വാസം," മെൻഡിസ് പറഞ്ഞു.