കളിക്കേണ്ട, ടോസ് ഇട്ട് വിജയിയെ തീരുമാനിക്കാം; ഐസിസിയോട് അരിശം തീരാതെ ആരാധകർ

നോട്ടിങ്ങാം: ഇന്ത്യയും ന്യൂസിലൻറും തമ്മിലുള്ള മത്സരം ഉപേക്ഷിച്ചതിൻെറ അരിശം ഐസിസിക്കെതിരെ തീർക്കുകയാണ് ആരാധകർ. ഈ ലോകകപ്പിൽ ഇത് നാലാം മത്സരമാണ് ഇങ്ങനെ ഉപേക്ഷിക്കുന്നത്. ക്രിക്കറ്റ് ലോകകപ്പിൻെറ ചരിത്രത്തിൽ ഇത്രയധികം മത്സരങ്ങൾ ഉപേക്ഷിക്കപ്പെടുന്ന സാഹചര്യം ഇതാദ്യമായാണ് ഉണ്ടാവുന്നത്.

ക്രിക്കറ്റിനെ നശിപ്പിക്കുകയാണ് ഐസിസിയെന്ന് ആരാധകർ വിമർശിക്കുന്നു. ട്വിറ്ററിൽ രൂക്ഷവിമർശനമാണ് ഉയരുന്നത്. ക്രിക്കറ്റിന് പകരം വള്ളം കളി നടത്താമെന്ന് പറഞ്ഞ് കൊണ്ട് ട്രോളുകളും പ്രചരിക്കുന്നുണ്ട്.

ലോകകപ്പിൻെറ ആദ്യ ആഴ്ച ബോറൻ മത്സരങ്ങളായിരുന്നുവെങ്കിൽ രണ്ടാം ആഴ്ച മഴ കളിക്കുകയാണെന്ന് ചിലർ പറയുന്നു. ഇന്ത്യൻ ആരാധകർക്ക് ലോകകപ്പ് വലിയ നിരാശയാണ് നൽകുന്നത്. ഈ ലോകകപ്പിൽ ഇന്ത്യയുടെ ആദ്യമത്സരം നടന്നത് തന്നെ വളരെ വൈകിയാണ്. ഇപ്പോഴിതാ ഒരു മത്സരം ഉപേക്ഷിക്കപ്പെടുകയും ചെയ്തിരിക്കുന്നു.

ആരാധകരുടെ ചില പ്രതികരണങ്ങൾ താഴെ വായിക്കാം:


എംഎസ് ധോണിയുടെ ഗ്ലൌസിൻെറ കാര്യത്തിലല്ല മത്സരക്രമത്തെ കുറിച്ചായിരുന്നു ഐസിസി ചിന്തിക്കേണ്ടതെന്നാണ് ഒരു ആരാധകൻെറ പ്രതികരണം.



"കാര്യങ്ങൾ ഇങ്ങനെയാണ് പോവുന്നതെങ്കിൽ ഇനി ടോസിട്ട് അപ്പോൾ തന്നെ വിജയിയെ തീരുമാനിക്കാം. ക്രിക്കറ്റ് ആരാധകരുടെ പ്രതീക്ഷകളെ ഇങ്ങനെ നിരാശപ്പെടുത്തരുത്," ഒരു ആരാധകൻ പറയുന്നു.


ഈ പെരുമഴക്കാലത്ത് ഇംഗ്ലണ്ടിൽ ക്രിക്കറ്റ് ലോകകപ്പ് വെച്ചത് ആരുടെ ഐഡിയ ആയാലും അതൊരു മികച്ച ഐഡിയ തന്നെയാണ്!