ആപ്പ്ജില്ല

ബുംറ ലോകോത്തര പേസർ; പക്ഷേ ഒരു താരത്തിന് മുന്നിൽ വിയർക്കുമെന്ന് ക്ലാർക്ക്!

ഇന്ത്യൻ പേസർ ജസ്പ്രീത് ബുംറയെ പുകഴ്ത്തി മുൻ ഓസീസ് നായകൻ

Samayam Malayalam 24 Jun 2019, 9:40 pm
ലണ്ടൻ: ഈ ലോകകപ്പിൽ ഇന്ത്യയുടെ എക്സ് ഫാക്ടറാണ് പേസർ ജസ്പ്രീത് ബുംറയെന്ന് മുൻ ഓസ്ട്രേലിയൻ നായകൻ മൈക്കൽ ക്ലാർക്ക്. എന്നാൽ ബുംറക്ക് കനത്ത വെല്ലുവിളിയാവാൻ സാധ്യതയുള്ള ഒരു താരമുണ്ടെന്ന് ക്ലാർക്ക് പറയുന്നു. അത് മറ്റാരുമല്ല, ലോകകപ്പിൽ മികച്ച ഫോമിൽ കളിക്കുന്ന മുൻ ഓസീസ് ഉപനായകൻ ഡേവിഡ് വാർണറാണ്.
Samayam Malayalam Bumrah


വാർണർ ഈ ലോകകപ്പിലെ റൺ വേട്ടക്കാരിൽ മുൻ പന്തിയിലാണ്. ഇന്ത്യയും ഓസ്ട്രേലിയയും തമ്മിലുള്ള മത്സരത്തിൽ വാർണർ ബുംറക്ക് കനത്ത വെല്ലുവിളി ഉയർത്തുമെന്ന് ക്ലാർക്ക് പറയുന്നു.

ഏഴ് വിക്കറ്റുകളുമായി ബുംറ ഇപ്പോൾ തന്നെ തൻെറ ക്ലാസ്സ് തെളിയിച്ച് കഴിഞ്ഞു. അഫ്ഗാനെതിരെ ബുംറയുടെ യോർക്കറുകളാണ് ഇന്ത്യയുടെ വിജയം ഉറപ്പാക്കിയത്. ഈ ലോകകപ്പിൽ ഇന്ത്യയുടെ വിജയത്തിൽ ബുംറ നിർണായക പങ്ക് വഹിക്കുമെന്നും മൈക്കൽ ക്ലാർക്ക് കൂട്ടിച്ചേർത്തു.

ആര്‍ട്ടിക്കിള്‍ ഷോ

ട്രെൻഡിങ്