ഇന്ത്യൻ ടീമിലെ മോശം ഫീൽഡ‍ർ ആ താരമെന്ന് ഫീല്‍ഡിങ് കോച്ച്

ന്യൂഡൽഹി: ലോകത്ത് ഇന്നുള്ള ഏറ്റവും മികച്ച ഫീൽഡിങ് നിരകളിൽ ഒന്നാണ് ഇന്ത്യയുടേത്. നേരത്തെ ഉണ്ടായിരുന്ന അലസതയിൽ നിന്ന് ടീം ഏറെ മാറിക്കഴിഞ്ഞു. ബോളിങിനും ബാറ്റിങിനും ഒപ്പം നിൽക്കുന്നതാണ് ഇന്ന് ടീം ഇന്ത്യയുടെ ഫീൽഡിങ്.

ആർ. ശ്രീധറാണ് ഇപ്പോൾ ഇന്ത്യയുടെ ഫീൽഡിങ് കോച്ച്. അദ്ദേഹത്തിൻെറ പരിശീലനം ടീമിൻെറ പരിശീലനം ടീമിനെ ഏറെ മുന്നോട്ട് നയിച്ചിട്ടുണ്ട്. ഇന്ത്യൻ ടീമിലെ ഏറ്റവും മികച്ച ഫീൽഡറും മോശം ഫീൽഡറും ആരെന്ന് വെളിപ്പെടുത്തിയിരിക്കുകയാണ് ശ്രീധർ.

സ്പിന്നർ യുസ്വേന്ദ്ര ചാഹലാണ് ടീമിലെ ഏറ്റവും മോശം ഫീൽഡറെന്ന് അദ്ദേഹം പറഞ്ഞു. എന്നാൽ ചാഹൽ കഠിന്വാധാനിയാണെന്നും അദ്ദേഹം പറഞ്ഞു. ചാഹലിൻെറ ഫീൽഡിങ് ഇംപ്രൂവ് ചെയ്യാനുള്ള ശ്രമങ്ങൾ നടത്തുന്നുണ്ട്.

എന്നാൽ ചാഹലിൻെറ ചെറിയ കൈകളാണ് പ്രശ്നം. അതിനാൽ തന്നെ പന്ത് പിടിച്ചെടുക്കാൻ പ്രയാസമുണ്ടെന്നും അദ്ദേഹം പറഞ്ഞു. ഇന്ത്യൻ ടീമിലെ ഏറ്റവും മികച്ച ഫീൽഡർ നായകൻ വിരാട് കോഹ്ലിയാണെന്നാണ് ഫീൽഡിങ് കോച്ചിൻെറ അഭിപ്രായം. രവീന്ദ്ര ജഡേജ കോഹ്ലിക്ക് ഏറ്റവും വലിയ വെല്ലുവിളി ഉയർത്തുന്ന ടീമിലെ ഫീൽഡറാണെന്നും അദ്ദേഹം കൂട്ടിച്ചേർത്തു.