ഒരു മത്സരത്തിലെ മോശം പ്രകടനത്തിനോ ഈ വിമർശനം ? ധോണിയെ പിന്തുണച്ച് ഗാംഗുലി

ന്യൂഡൽഹി: അഫ്ഗാനിസ്ഥാനെതിരായ മത്സരത്തിലെ മോശം പ്രകടനത്തിന് മുൻ ഇന്ത്യൻ നായകൻ മഹേന്ദ്ര സിങ് ധോണി രൂക്ഷവിമർശനം ഏറ്റുവാങ്ങിയിരുന്നു. ആരാധകർ ട്രോളിയപ്പോൾ സച്ചിൻ ടെണ്ടുൽക്കർ അടക്കമുള്ളവർ ധോണിയുടെ പ്രകടനത്തിൽ നിരാശരായി. ധോണിയുടെ സ്ലോ ബാറ്റിങ് ന്യായീകരിക്കാൻ സാധിക്കില്ലെന്നായിരുന്നു സച്ചിൻെറ പ്രതികരണം.

എന്നാൽ ധോണിയെ പിന്തുണച്ച് രംഗത്തെത്തിയിരിക്കുകയാണ് മുൻ ഇന്ത്യൻ നായകൻ സൗരവ് ഗാംഗുലി. ഒരൊറ്റം മത്സരത്തിലെ മോശം പ്രകടനത്തിൽ ധോണിയെ ഇത്തരത്തിൽ വിമർശിക്കുന്നത് ശരിയല്ലെന്ന് ഗാംഗുലി പറഞ്ഞു.

"അദ്ദേഹം മികച്ച ബാറ്റ്സ്മാനാണ്. അഫ്ഘാനിസ്ഥാനെതിരായ ഒരു മത്സരം മുൻനിർത്തി അദ്ദേഹത്തിൻെറ പ്രതിഭയെ വിലയിരുത്തരുത്. അത് വെറും ഒരു മത്സരം മാത്രമാണ്. ധോണി ഈ ലോകകപ്പിൽ തൻെറ മികച്ച പ്രകടനം പുറത്തിരിക്കുന്നത് കാണാൻ ഇരിക്കുന്നേയുള്ളൂ," ഗാംഗുലി ആത്മവിശ്വാസം പ്രകടിപ്പിച്ചു.