World Cup 2019: അഫ്ഗാനിസ്ഥാന് 312 റൺസ് വിജയലക്ഷ്യം

ലീഡ്സ്: അഫ്ഗാനിസ്ഥാനെതിരെ ആദ്യം ബാറ്റ് ചെയ്ത വെസ്റ്റ് ഇൻഡീസ് 50 ഓവറിൽ 6 വിക്കറ്റ് നഷ്ടത്തിൽ 311 റൺസെടുത്തു. 77 റൺസെടുത്ത ഷായ് ഹോപാണ് ടോപ് സ്കോറർ. എവിൻ ലെവിസും (58), നിക്കോളാസ് പൂരനും (58) അർധശതകങ്ങൾ നേടി. ക്യാപ്റ്റൻ ജേസൺ ഹോൾഡർ (45), ഹെറ്റ് മെയർ (39) എന്നിവരും മികച്ച പിന്തുണ നൽകി.

അവസാന ലോകകപ്പ് മത്സരം കളിക്കുന്ന ക്രിസ് ഗെയിലിന് കാര്യമായി ഒന്നും സംഭാവന ചെയ്യാനായില്ല. വെറും ഏഴ് റൺസെടുത്ത് അദ്ദേഹം പുറത്തായി.


വെസ്റ്റ് ഇൻഡീസിന് ആദ്യം ബാറ്റിങ്

ലോകകപ്പ് പോയിൻറ് പട്ടികയിലെ അവസാന സ്ഥാനക്കാരായ അഫ്ഗാനിസ്ഥാൻ വെസ്റ്റ് ഇൻഡീസിനെ നേരിടുന്നു. ഇരുടീമുകളുടെയും അവസാന മത്സരമാണിത്. അഫ്ഗാനിസ്ഥാൻ ഈ ലോകകപ്പിൽ ഒരു മത്സരം പോലും വിജയിച്ചിട്ടില്ല. ഇന്ത്യക്കെതിരെ വിജയത്തിന് തൊട്ടടുത്ത് എത്തിയെങ്കിലും അവർ പരാജയപ്പെടുകയായിരുന്നു.

മത്സരത്തിൽ ടോസ് നേടിയ വെസ്റ്റ് ഇൻഡീസ് ബാറ്റിങ് തെരഞ്ഞെടുത്തു. എട്ട് മത്സരങ്ങളിൽ നിന്ന് അവർക്ക് മൂന്ന് പോയിൻറ് മാത്രമാണുള്ളത്. പാകിസ്ഥാനെ പരാജയപ്പെടുത്തിയത് മാത്രമാണ് ഈ ലോകകപ്പിൽ അവരുടെ ആകെയുള്ള നേട്ടം. മറ്റൊരു മത്സരവും അവർക്ക് ജയിക്കാനായില്ല. ഒരു മത്സരം മഴ മൂലം ഉപേക്ഷിക്കുകയായിരുന്നു.

വിൻഡീസ് ഓപ്പണർ ക്രിസ് ഗെയിൽ തുടക്കത്തിൽ തന്നെ പുറത്തായി.
ഗെയിലിൻെറ ലോകകപ്പിലെ അവസാന മത്സരമായിരിക്കും ഇത്. ഇനിയൊരു ലോകകപ്പിൽ ഗെയിൽ കളിക്കാൻ സാധ്യതയില്ല. ലോകകപ്പിന് ശേഷം ഇന്ത്യക്കെതിരെയാണ് വെസ്റ്റ് ഇൻഡീസിൻെറ പരമ്പര. അതിന് ശേഷം വിരമിക്കാൻ സാധ്യതയുണ്ടെന്ന് റിപ്പോർട്ടുകൾ ഉണ്ടായിരുന്നെങ്കിലും ഗെയിൽ അത്തരം വാർത്തകൾ നിഷേധിച്ചിരുന്നു.