കാർഡിഫ്: ലോകകപ്പിൽ അഫ്ഗാനിസ്ഥാൻ ശ്രീലങ്കയെ നേരിടുന്നു. ടോസ് നേടിയ അഫ്ഗാൻ നായകൻ ഗുലാബ്ദീൻ നെയ്ബ് ബോളിങ് തിരഞ്ഞെടുത്തു. ശ്രീലങ്ക ആദ്യം ബാറ്റ് ചെയ്യും. മുൻ ചാമ്പ്യൻമാരായ ലങ്ക ആദ്യ മത്സരത്തിൽ ന്യൂസിലൻറിനോട് പത്ത് വിക്കറ്റിന് തോറ്റിരുന്നു. ഏകദിന ക്രിക്കറ്റിൽ ശ്രീലങ്ക നിലവിൽ മികച്ച ഫോമിലല്ല. ഈ വർഷം കളിച്ച പത്ത് മത്സരങ്ങളിൽ സ്കോട്ലൻറിനോട് മാത്രമാണ് അവർക്ക് ജയിക്കാൻ സാധിച്ചത്. അഫ്ഗാനിസ്ഥാൻ ഈ ലോകകപ്പിലെ തങ്ങളുടെ ആദ്യ മത്സരത്തിൽ കരുത്തരായ ഓസ്ട്രേലിയയോടാണ് പരാജയപ്പെട്ടത്.
കരുത്തരെ അട്ടിമറിക്കാൻ കെൽപ്പുള്ള ടീമാണ് അവരുടേത്. റാഷിദ് ഖാനും മുഹമ്മദ് നബിയും അടക്കം നിരവധി പ്രതിഭാശാലികൾ ടീമിലുണ്ട്. ഒരു മാറ്റവുമായാണ് ലങ്ക ഇറങ്ങുന്നത്. ജീവൻ മെൻഡിസിന് പകരം പ്രദീപ് കളിക്കും.
കരുത്തരെ അട്ടിമറിക്കാൻ കെൽപ്പുള്ള ടീമാണ് അവരുടേത്. റാഷിദ് ഖാനും മുഹമ്മദ് നബിയും അടക്കം നിരവധി പ്രതിഭാശാലികൾ ടീമിലുണ്ട്. ഒരു മാറ്റവുമായാണ് ലങ്ക ഇറങ്ങുന്നത്. ജീവൻ മെൻഡിസിന് പകരം പ്രദീപ് കളിക്കും.