2011ന് ശേഷം ധോണിയുടെ ക്രിക്കറ്റ് ജീവിതത്തിൽ ഇങ്ങനെ സംഭവിക്കുന്നത് ഇതാദ്യം!

സതാംപ്റ്റൺ: മുൻ ഇന്ത്യൻ നായകൻ മഹേന്ദ്ര സിങ് ധോമി വിക്കറ്റ് കീപ്പിങിലെ പുലിയാണ്. ധോണിയുടെ മിന്നൽ സ്റ്റംപിങിനെ ഭയക്കാത്ത ബാറ്റ്സ്മാൻമാർ ലോക ക്രിക്കറ്റിൽ ഇല്ല. എന്നാൽ ധോണി അങ്ങനെയൊന്നും സ്റ്റംപിങിന് ഇരയാവാറില്ല. അഫ്ഗാനിസ്ഥാനെതിരായ ലോകകപ്പ് മത്സരത്തിൽ അത് സംഭവിച്ചു.

2011ന് ശേഷം ഇതാദ്യമായാണ് ഇന്ത്യയുടെ ഒരു മത്സരത്തിൽ ധോണി സ്റ്റംപ് ചെയ്യപ്പെട്ട് പുറത്താവുന്നത്. റാഷിദ് ഖാൻെറ പന്തിൽ അഫ്ഗാൻ വിക്കറ്റ് കീപ്പർ ഇക്രം അലിയാണ് ധോണിയെ സ്റ്റംപ് ചെയ്ത് പുറത്താക്കിയത്. റാഷിദിൻെറ പന്ത് ക്രീസിന് പുറത്തേക്കിറങ്ങി അടിക്കാനൊരുങ്ങിയ ധോണിയുടെ ശ്രമം പരാജയപ്പെടുകയായിരുന്നു. 52 പന്തുകൾ നേരിട്ട് 28 റൺസെടുത്താണ് ധോണി പുറത്തായത്.

അതേ സമയം അഫ്ഗാനിസ്ഥാനെതിരെ ടോസ് നേടി ആദ്യം ബാറ്റ് ചെയ്ത ഇന്ത്യക്ക് മികച്ച സ്കോർ പടുത്തുയർത്താൻ സാധിച്ചില്ല. 50 ഓവർ ബാറ്റ് ചെയ്ത ടീം 8 വിക്കറ്റ് നഷ്ടത്തിൽ 224 റൺസാണെടുത്തത്.

വീഡിയോ കാണാൻ ഇവിടെ ക്ലിക്ക് ചെയ്യുക