ട്വിറ്ററിൽ രോഹിതിന് പിണഞ്ഞത് വൻ അബദ്ധം; ഡിലീറ്റ് ചെയ്ത് തടിതപ്പി!

ന്യൂഡൽഹി: ലോകകപ്പിൽ ഇന്ത്യൻ ഉപനായകൻ മികച്ച ഫോമിലായിരുന്നു. എന്നാൽ അഫ്ഗാനിസ്ഥാനെതിരെ പരാജയപ്പെട്ട ഇന്ത്യൻ ബാറ്റ്സ്മാരിൽ ഒന്നാമൻ രോഹിത് ശർമയായിരുന്നു. ഇതിൽ രോഹിതിനെതിരെയും വിമർശനം ഉയർന്നിരുന്നു. ഇതിന് പിന്നാലെ രോഹിതിന് ട്വിറ്ററിൽ അബദ്ധം പിണഞ്ഞിരിക്കുകയാണ്.

ഇന്ത്യ ചാമ്പ്യൻസ് ട്രോഫി നേടിയപ്പോഴത്തെ ഫോട്ടോ പോസ്റ്റ് ചെയ്തപ്പോഴാണ് രോഹിതിന് അബദ്ധം പിണഞ്ഞത്. 2013ലാണ് ഇന്ത്യ ചാമ്പ്യൻസ് ട്രോഫി നേടിയിരുന്നത്. എന്നാൽ രോഹിത് 2017ൽ എന്നാണെഴുതിയത്. ധവാനും ഭുവനേശ്വർ കുമാറിനും സുരേഷ് റെയ്നക്കും ഒപ്പം നിൽക്കുന്ന ചിത്രമാണ് രോഹിത് ഷെയർ ചെയ്തത്.

2017ലെ ചാമ്പ്യൻസ് ട്രോഫിയിൽ ഇന്ത്യ ഫൈനലിൽ എത്തിയിരുന്നു. എന്നാൽ ഫൈനലിൽ പാകിസ്ഥാനോട് പരാജയപ്പെടുകയായിരുന്നു. സുരേഷ് റെയ്നയടക്കം പലരും രോഹിതിനെ തിരുത്താൻ എത്തി. പലരും ട്രോളുമായി എത്തി. ഒടുവിൽ അബദ്ധം പിണഞ്ഞത് മനസ്സിലാക്കി രോഹിത് ട്വീറ്റ് ഡിലീറ്റ് ചെയ്തു.

ഡിലീറ്റ് ചെയ്ത പോസ്റ്റ്: