ലോകകപ്പിലെ നാല് സെമിഫൈനലിസ്റ്റുകളെ പ്രവചിച്ച് ഇർഫാൻ പഠാൻ

ന്യൂഡൽഹി: ലോകകപ്പ് ക്രിക്കറ്റിൽ ഇത്തവണ സെമിഫൈനലിൽ എത്താൻ സാധ്യതയുള്ള നാല് ടീമുകളെ പ്രവചിച്ച് മുൻ ഇന്ത്യൻ പേസർ ഇർഫാൻ പഠാൻ. ആതിഥേയരായ ഇംഗ്ലണ്ട്, ഇന്ത്യ, ദക്ഷിണാഫ്രിക്ക, മുൻ ചാമ്പ്യൻമാരായ ഓസ്ട്രേലിയ എന്നീ ടീമുകൾ സെമിയിലെത്തുമെന്നാണ് പഠാൻെറ പ്രവചനം.

2007ൽ ഇന്ത്യ ട്വൻറി20 ലോകകപ്പ് കിരീടം നേടുമ്പോൾ ഫൈനലിലെ മാൻ ഓഫ് ദി മാച്ചായിരുന്നു പഠാൻ. ഇത് വരെ ലോകകപ്പ് കിരീടം നേടാനാവാത്ത ടീമാണ് ഇംഗ്ലണ്ട്. എന്നാൽ ഇത്തവണ അവർക്കാണ് ഏറ്റവും കൂടുതൽ പ്രതീക്ഷയുള്ളത്. പ്രതിഭകളുടെ നിരയായ ഇന്ത്യയും കരുത്തരാണ്.


ഡേവിഡ് വാർണറും സ്റ്റീവ് സ്മിത്തും തിരിച്ചെത്തിയതോടെ ഓസ്ട്രേലിയയും കരുത്തരാണ്. ദക്ഷിണാഫ്രിക്കയെയും എഴുതിത്തള്ളാനാവില്ല. ലോകകപ്പിലെ ഉദ്ഘാടന മത്സരത്തിൽ ഇംഗ്ലണ്ടും ദക്ഷിണാഫ്രിക്കയും തമ്മിലാണ് മത്സരം.