ലോകകപ്പ് ദേ വീണ്ടും വെള്ളത്തിൽ മുങ്ങി; ട്രോളൻമാർ പണി തുടങ്ങി!

മാഞ്ചസ്റ്റർ: മഴ ഒരിക്കൽ കൂടി ലോകകപ്പിനെ തടസ്സപ്പെടുത്താൻ എത്തിയിരിക്കുകയാണ്. ലീഗ് ഘട്ടത്തിൽ നാല് മത്സരങ്ങളാണ് മഴയിൽ ഒലിച്ചു പോയത്. ഇതേ ഇന്ത്യയും ന്യൂസിലൻറും തമ്മിലുള്ള മത്സരവും അതിൽ ഉൾപ്പെടുന്നു. സെമിയിൽ മഴ പെയ്യുമെന്ന് നേരത്തെ കാലാവസ്ഥാ മുന്നറിയിപ്പുണ്ടായിരുന്നു. എന്നാൽ ഇത്തരത്തിൽ മഴ വില്ലനാവുമെന്ന് ആരും കരുതിക്കാണില്ല.

ഏതായാലും മഴ പെയ്തതോടെ ട്വിറ്ററിലും സോഷ്യൽ മീഡിയയിലുമായി ട്രോളൻമാർ പണി തുടങ്ങിക്കഴിഞ്ഞു. നേരത്തെ ലോകകപ്പിൽ ആദ്യം സെമിയിലെത്തുന്ന ടീം മഴയായിരിക്കുമെന്ന് ട്രോളർമാർ പ്രഖ്യാപിച്ചിരുന്നു. ഏതായാലും ഇപ്പോൾ ഫൈനലിലേക്ക് ആദ്യം എത്തുന്നത് മഴയാവുമെന്ന് തന്നെയാണ് പുതിയ ട്രോൾ.

മത്സരത്തിൽ ഇന്ത്യക്കെതിരെ ആദ്യം ബാറ്റ് ചെയ്ത ന്യൂസിലൻറിന് മികച്ച സ്കോർ പടുത്തുയർത്താൻ സാധിച്ചിരുന്നില്ല. ന്യൂസിലൻറ് ഇന്നിങ്സ് അവസാന ഓവറുകളിലേക്ക് എത്തിയപ്പോഴാണ് മത്സരം നിർത്തി വെച്ചത്. കളി നിർത്തുമ്പോൾ ന്യൂസിലൻറ് 46.1 ഓവറിൽ 5 വിക്കറ്റ് നഷ്ടത്തിൽ 211 റൺസാണ് എടുത്തിട്ടുള്ളത്. 67 റൺസുമായി റോസ് ടെയ‍്‍ലറും ടോം ലതാം 3 റൺസുമായും പുറത്താവാതെ നിന്നിരുന്നു.

ഇന്ത്യയും ന്യൂസിലൻറും തമ്മിലുള്ള രണ്ടാം മത്സരവും മഴയിൽ ഒലിച്ച് പോവുമ്പോൾ ട്വിറ്ററിൽ പ്രചരിക്കുന്ന ചില ട്രോളുകൾ:





മലയാളം സോഷ്യൽ മീഡിയയിലും രസകരമായ ട്രോളുകൾ പ്രചരിക്കുന്നുണ്ട്