മാഞ്ചസ്റ്റർ: ലോകകപ്പിൽ അഫ്ഗാനും വിൻഡീസിനും എതിരെ എംഎസ് ധോണിയുടെ ബാറ്റിങ് പ്രകടനത്തിനെതിരെ രൂക്ഷവിമർശനം ഉയർന്നിരുന്നു. ധോണി വിരമിക്കുന്നതാണ് നല്ലതെന്ന് വരെ ആരാധകർ പറഞ്ഞിരുന്നു. എന്നാൽ വിൻഡീസിനെതിരെ ധോണിയുടെ പ്രകടനം ഭേദമായിരുന്നു. ട്വിറ്ററിൽ ഇന്നലെയും ധോണിക്കെതിരെ വിമർശനം ഉയർന്നിരുന്നു.
എന്നാൽ ഇന്ത്യൻ നായകൻ വിരാട് കോഹ്ലി മത്സരശേഷം ധോണിയെ വിശേഷിപ്പിച്ചത് ഇതിഹാസമെന്നാണ്. ഇന്ത്യൻ ടീമിൻെറ മുന്നേറ്റത്തിൽ പ്രധാന പങ്ക് വഹിക്കുന്നത് ധോണിയുടെ കളിയെക്കുറിച്ചുള്ള ധാരണയും പരിചയ സമ്പത്തുമാണെന്ന് കോഹ്ലി പറഞ്ഞു.
"മധ്യനിരയിൽ എന്താണ് ചെയ്യേണ്ടതെന്ന് ധോണിക്ക് വ്യക്തമായറിയാം. ചില മത്സരങ്ങളിൽ അദ്ദേഹം തിളങ്ങാതെ പോവുമ്പോൾ എല്ലാവരും വിമർശനവുമായി വരുന്നു. പക്ഷേ ടീം എന്നും അദ്ദേഹത്തിനൊപ്പമാണ്. നിരവധി മത്സരങ്ങളിൽ ഇന്ത്യയെ വിജയിപ്പിച്ചിട്ടുള്ള ഇതിഹാസ താരമാണ് അദ്ദേഹം," കോഹ്ലി പറഞ്ഞു.
അദ്ദേഹത്തിൻെറ പരിചയസമ്പത്ത് 10ൽ 8 തവണയും ഇന്ത്യക്ക് ഗുണമേ ചെയ്തിട്ടുള്ളൂവെന്നും ഇന്ത്യൻ നായകൻ കൂട്ടിച്ചേർത്തു. ലോകകപ്പിൽ കഴിഞ്ഞ മത്സരത്തിൽ വെസ്റ്റ് ഇൻഡീസിനെ ഇന്ത്യ 125 റൺസിന് പരാജയപ്പെടുത്തിയിരുന്നു.
എന്നാൽ ഇന്ത്യൻ നായകൻ വിരാട് കോഹ്ലി മത്സരശേഷം ധോണിയെ വിശേഷിപ്പിച്ചത് ഇതിഹാസമെന്നാണ്. ഇന്ത്യൻ ടീമിൻെറ മുന്നേറ്റത്തിൽ പ്രധാന പങ്ക് വഹിക്കുന്നത് ധോണിയുടെ കളിയെക്കുറിച്ചുള്ള ധാരണയും പരിചയ സമ്പത്തുമാണെന്ന് കോഹ്ലി പറഞ്ഞു.
"മധ്യനിരയിൽ എന്താണ് ചെയ്യേണ്ടതെന്ന് ധോണിക്ക് വ്യക്തമായറിയാം. ചില മത്സരങ്ങളിൽ അദ്ദേഹം തിളങ്ങാതെ പോവുമ്പോൾ എല്ലാവരും വിമർശനവുമായി വരുന്നു. പക്ഷേ ടീം എന്നും അദ്ദേഹത്തിനൊപ്പമാണ്. നിരവധി മത്സരങ്ങളിൽ ഇന്ത്യയെ വിജയിപ്പിച്ചിട്ടുള്ള ഇതിഹാസ താരമാണ് അദ്ദേഹം," കോഹ്ലി പറഞ്ഞു.
അദ്ദേഹത്തിൻെറ പരിചയസമ്പത്ത് 10ൽ 8 തവണയും ഇന്ത്യക്ക് ഗുണമേ ചെയ്തിട്ടുള്ളൂവെന്നും ഇന്ത്യൻ നായകൻ കൂട്ടിച്ചേർത്തു. ലോകകപ്പിൽ കഴിഞ്ഞ മത്സരത്തിൽ വെസ്റ്റ് ഇൻഡീസിനെ ഇന്ത്യ 125 റൺസിന് പരാജയപ്പെടുത്തിയിരുന്നു.