ഏഷ്യാകപ്പ് പാകിസ്ഥാനിൽ; ഇന്ത്യ കളിച്ചേക്കില്ലെന്ന് സൂചന

ന്യൂഡൽഹി: വരുന്ന ഏഷ്യാകപ്പ് 2020ലെ ട്വൻി20 ലോകകപ്പിന് മുമ്പായി പാകിസ്ഥാനിൽ നടക്കും. ട്വൻി20 ഫോർമാറ്റിലായിരിക്കും ഏഷ്യാകപ്പിൻെറ പതിനഞ്ചാമത് എഡിഷൻ നടക്കുക. സിംഗപ്പൂരിൽ നടക്കുന്ന ഏഷ്യാ ക്രിക്കറ്റ് കൗൺസിലിലാണ് ഇക്കാര്യത്തിൽ തീരുമാനം തീരുമാനം എടുത്തത്.

2015ലാണ് ഏഷ്യാകപ്പ് ഒരു തവണ ഏകദിന ഫോർമാറ്റിലും അതിനടുത്ത തവണ ടി20 ഫോർമാറ്റിലും നടത്താൻ തീരുമാനിച്ചത്. കഴിഞ്ഞ തവണ ഏകദിനമായിരുന്നു പരമ്പര. 2020ൽ ടി20 ലോകകപ്പിന് തൊട്ട് മുമ്പ് ടി20 ഫോർമാറ്റിൽ നടക്കും.

നിലവിൽ ഇന്ത്യയാണ് ഏഷ്യാകപ്പ് ജേതാക്കൾ. എന്നാൽ പാകിസ്ഥാനിൽ ഏഷ്യാകപ്പ് നടക്കുകയാണെങ്കിൽ ഇന്ത്യ ബഹിഷ്കരിച്ചേക്കുമെന്ന് സൂചനയുണ്ട്. പുൽവാമ ആക്രമണത്തിന് ശേഷം പാകിസ്ഥാനുമായുള്ള എല്ലാ ക്രിക്കറ്റ് ബന്ധങ്ങളും ഉപേക്ഷിക്കാൻ ഇന്ത്യ തീരുമാനിച്ചിരുന്നു. എന്നാൽ ഇന്ത്യ കളിക്കുമോയെന്ന കാര്യത്തിൽ അന്തിമതീരുമാനം എടുത്തിട്ടില്ല.