മഞ്ജരേക്കറിന് അപ്രതീക്ഷിത മറുപടിയുമായി ജഡേജ; ട്വിറ്ററിൽ വീണ്ടും ട്രോൾ മഴ!

ന്യൂഡൽഹി: ഇന്ത്യൻ ലോകകപ്പ് താരം രവീന്ദ്ര ജഡേജയും മുൻ താരവും കമൻേററ്ററുമായ സഞ്ജയ് മഞ്ജരേക്കറും വീണ്ടും ട്വിറ്ററിൽ നിറയുന്നു. ജഡേജ ഏകദിനത്തിന് യോജിക്കാത്ത താരമാണെന്ന് മഞ്ജരേക്കർ കഴിഞ്ഞ ദിവസം പറഞ്ഞിരുന്നു. എന്നാൽ കഴിവുള്ളവരെ ബഹുമാനിക്കാൻ പഠിക്കണമെന്നും താൻ മഞ്ജരേക്കർ കളിച്ചതിൻെറ ഇരട്ടി മത്സരങ്ങൾ കളിച്ചിട്ടുണ്ടെന്നും ജഡേജ മറുപടി നൽകി.

ഇപ്പോൾ ശ്രീലങ്കക്കെതിരായ ലോകകപ്പ് മത്സരത്തിൽ ജഡേജ ടീമിൽ ഇടംപിടിച്ചതോടെ തന്നെ അത് മഞ്ജരേക്കറിന് അടുത്ത തിരിച്ചടിയായി. 11ാം ഓവർ പന്തെറിയാനെത്തിയ ജഡേജയെ കുറിച്ച് അത്ര മതിപ്പില്ലാതെയാണ് മഞ്ജരേക്കർ കമൻററിയിൽ പറഞ്ഞത്. കുൽദീപിനെയും ചാഹലിനെയും പോലെ മികച്ച വിക്കറ്റ് ടേക്കറല്ല ജഡേജയെന്ന് അദ്ദേഹം പറഞ്ഞു. എന്നാൽ പറഞ്ഞ് തീരും മുമ്പ് വിക്കറ്റിൻെറ രൂപത്തിൽ ജഡേജ മഞ്ജരേക്കറിന് കൃത്യമായ മറുപടി നൽകി.


നാലാം പന്തിൽ കുശാൽ മെൻഡിസിനെ ജഡേജയുടെ പന്തിൽ ധോണി സ്റ്റംപ് ചെയ്ത് പുറത്താക്കി. ഏതായാലും ജഡേജക്കെതിരായ പ്രതികരണങ്ങളിൽ മഞ്ജരേക്കറിന് പൊങ്കാലയുമായി ആരാധകർ എത്തിയിട്ടുണ്ട്.

അത്തരത്തിലുള്ള ചില പ്രതികരണങ്ങൾ കാണാം:




എന്നാൽ വളരെ രസകരമായി മറ്റൊരു സംഭവം കൂടിയുണ്ടായി. സെമിഫൈനലിനുള്ള ഇന്ത്യയുടെ ടീമിനെ പ്രവചിച്ചിട്ടുണ്ട് മഞ്ജരേക്കർ. ഈ ടീമിൽ ജഡേജയെ ഉൾപ്പെടുത്തിയെന്നതാണ് പ്രത്യേകത. ഇതിനും ട്രോൾ ലഭിക്കുന്നുണ്ട്. മുൻ ഇംഗ്ലണ്ട് നായകൻ മൈക്കൽ വോഗൻ വരെ മഞ്ജരേക്കറെ കളിയാക്കി രംഗത്തെത്തിയിട്ടുണ്ട്.


കുറച്ച് കുറച്ച് കാര്യങ്ങൾ മാത്രം അറിയുന്നവനെ നിങ്ങൾ എങ്ങനെ ടീമിലെടുത്തുവെന്നാണ് വോഗൻ ചോദിക്കുന്നത്.