ഇന്ത്യയുടെ പ്ലേയിങ് ഇലവനിൽ രാഹുൽ ഇല്ല; യുവതാരത്തെ ഉൾപ്പെടുത്തി മഞ്ജരേക്കർ

ന്യൂഡൽഹി: ലോകകപ്പ് ക്രിക്കറ്റിന് ഒരുങ്ങുകയാണ് ഇന്ത്യൻ ടീം. ഇത് വരെ രണ്ട് വാം അപ് മത്സരങ്ങളാണ് ഇന്ത്യ കളിച്ചത്. ആദ്യ മത്സരത്തിൽ ന്യൂസിലൻറിനെതിരെ പരാജയപ്പെട്ടു. ബംഗ്ലാദേശിനെതിരെ രണ്ടാം മത്സരത്തിൽ ഇന്ത്യ മികച്ച വിജയം നേടി. നാലാം നമ്പറിൽ ഇറങ്ങി സെഞ്ച്വറി നേടിയ കെഎൽ രാഹുലിൻെറ പ്രകടനമാണ് ശ്രദ്ധേയമായത്.

ലോകകപ്പിലെ ആദ്യമത്സരത്തിൽ ഇന്ത്യ ദക്ഷിണാഫ്രിക്കയെയാണ് നേരിടുന്നത്. ആദ്യ ഇലവനുള്ള പ്ലേയിങ് ഇലവനെ പ്രഖ്യാപിച്ചിരിക്കുകയാണ് മുൻതാരം സഞ്ജയ് മഞ്ജരേക്കർ. എന്നാൽ രാഹുലിനെ ഒഴിവാക്കിയാണ് ടീം. ഭുവനേശ്വർ കുമാറിനെയും ഉൾപ്പെടുത്തിയിട്ടില്ല.

ശിഖര്‍ ധവാന്‍, രോഹിത് ശര്‍മ, വിരാട് കോലി (ക്യാപ്റ്റന്‍), വിജയ് ശങ്കര്‍, കേദാര്‍ ജാദവ്, എംഎസ് ധോണി, ഹര്‍ദിക് പാണ്ഡ്യ, മുഹമ്മദ് ഷമി, ജസ്പ്രീത് ബുംറ, കുല്‍ദീപ് യാദവ്, യുസ്വേന്ദ്ര ചഹല്‍.