തേനീച്ചക്കെന്ത് ലോകകപ്പ്; ശ്രീലങ്ക - ദക്ഷിണാഫ്രിക്ക മത്സരത്തിനിടെ 'ആക്രമണം'

ലണ്ടൻ: ശ്രീലങ്കയും ദക്ഷിണാഫ്രിക്കയും തമ്മിൽ നടക്കുന്ന ലോകകപ്പ് മത്സരത്തിനിടെ തേനീച്ചകളുടെ ആക്രമണം. മത്സരം നടക്കുന്നതിനിടെയാണ് തേനീച്ചകൾ കൂട്ടമായെത്തിയത്. ഇതോടെ ഇരുടീമുകളുടെയും താരങ്ങളും അമ്പയർമാരും ഗ്രൗണ്ടിൽ കിടന്നു. ഗ്യാലറിയിൽ ഇരുന്ന കാണികൾ അത്ഭുതത്തോടെയാണ് ഇത് നോക്കി നിന്നത്.

ക്രീസിന് മുന്നിൽ തന്നെ തേനീച്ചകൾ എത്തി. ഇതോടെ അൽപസമയം കളി നിർത്തി വെക്കുകയും ചെയ്തു. ഒന്നോ രണ്ടോ കളിക്കാരല്ല എല്ലാവരും ഇതോടെ നിലത്ത് കിടക്കുകയായിരുന്നു. ക്രിക്കറ്റ് ദക്ഷിണാഫ്രിക്കയുടെ ട്വിറ്റർ പേജിലടക്കം ഇതിൻെറ വീഡിയോ ഷെയർ ചെയ്തിട്ടുണ്ട്.


ഈ ലോകകപ്പിനിടയിൽ മഴ കാരണം പല തവണ മത്സരം നിർത്തി വെക്കേണ്ടി വന്നിട്ടുണ്ട്. ചില മത്സരങ്ങൾ ഉപേക്ഷിക്കുകയും ചെയ്തിട്ടുണ്ട്. എന്നാൽ ആദ്യമായാണ് ഒരു മത്സരം പ്രാണികളുടെ ആക്രമണം കാരണം നിർത്തി വെക്കേണ്ടി വന്നത്.